Орлогоо хэрхэн нэмэх, аз жаргалыг хаанаас олох, мөнгөө яаж зөв зарцуулах, хүүхдээ номонд хэрхэн дуртай болгох, мэргэжил мэдлэгээ ахиулах, уураа дарах, тамхиа хаях, жингээ хасах, стрессгүй байх, бурууг тэвчих, гоё сайхан болох гээд л бидний өмнө өдөр бүр ямар нэгэн асуудлууд тулгарсаар. Бид харин амжилтанд хүрэгсдийн мэргэн аргуудыг хэрэглэж чадвал олон зовлон холдон одож, улмаар олон жаргалаа дуудаж чадна. Хэрэв та тулгарсан асуудалтайгаа буруу тэмцвэл зовлон зүдгүүр болж хувирна. Харин зөв аргаар явбал танд тулгарсан асуудал түр зуурын өчүүхэн бэрхшээл байх болно.  
Эрхэм уншигч танд оргилд гарагсадын арга ухааныг хэрхэн зөв хэрэглэх талаар мэргэд, мэргэжилтнүүд ийнхүү зөвлөж байна. Аливаа зүйлсийн учир холбогдлыг ухаж ойлгосноор хүнд өөрчлөгдөх сэтгэл зүй баттай үүсдэг. Таны ухаан улам тэлэхэд энэхүүү бүтээл дэмжлэг үзүүлнэ хэмээн найдаж байна.