Чарльз Лутвидж Доджсон буюу Льюис Кэрролл бол бичгийн нэртэй зохиолч үгийн шидтэн, шинийг сэдэгч, гайхам онцгой түүхийг мэтгэгч гэдгээрээ алдаршсан нэгэн билээ. Яруу найрагч, математикч, зурагчин байсан тэрээр эл зохиолоо хамгийн анх Оксфордын голд хамтдаа завиар зугаалж явсан гурван бяцхан охинд ярьж өгсөн гэдэг. 1865 оноос хойш хэвлэлтээс буугаагүй энэхүү ном 170 гаруй орны хэлээр орчуулагдсан гэхээр хэр алдартай зохиол болох нь ойлгомжтой биз ээ. 

Льюис Кэрроллын энэхүү бүтээлийн хуудас бүрээс Алисын тухай үйл явдал, баатруудын тухай олж мэдэхээс гадна олон янзын зугаатай тоглоом тоглож, таавар таах болно.  

Хүүхдүүд Алисын адал явдалт түүхүүдийг сонирхох зуураа цэгээр холбож, ялгааг олж, зургууд будаж, асуултад хариулан, сонирхолтой баримтууд олж мэдэн, учир зангилааг тайлах гээд уйдах завгүй байх нь дамжиггүй.