Аймаг, нийслэлийн нутаг дэвсгэрт төр, сүм хийдийн харилцааг зохицуулах журмын эмхэтгэл
- ISBN: 978-9919-9063-6-8
- Хавтас: Зөөлөн
- Хэвлэгдсэн он: 2023
- Хуудас: 422
- Хэмжээ:
- Үлдэгдэл: Үлдэгдэлтэй байна
Монголчууд төр, шашны харилцааны янз бүрийн хэлбэрийг туулсан бөгөөд 1992 онд ардчилсан, шинэ Үндсэн хуулийг батлахдаа төр, шашны харилцааны суурь зарчмыг “төр нь шашнаа хүндэтгэж, шашин нь төрөө дээдлэх” хэмээн тодорхойлсон болно. Тэрчлэн Үндсэн хуульд төр, шашны харилцааг тусгай хуулиар зохицуулахаар заасанчлан Төр, сүм хийдийн харилцааны тухай хуулийг 1993 онд батлан мөрдөж байна. Төр, шашны харилцаа нь нийгмийн олон төрлийн харилцаанд оролцдог тул ялангуяа нийгэм, хүмүүнлэгийн шинжлэх ухаанууд өөр өөрийн арга зүйгээр судалж ирсний дотор шашин судлалын шинжлэх ухаан зонхилох байр суурийг эзэлдэг. Монгол Улсын Их Сургууль нь шашин судлалын салбартаа “Шашны эрх зүй” хичээлийн хөтөлбөрийг бакалаврын болон ахисан түвшний сургалтдаа хэрэгжүүлдэг бөгөөд тус сургалтын эх сурвалжийг нь өргөтгөх, төр, сүм хийдийн харилцаа, түүний эрх зүйн зохицуулалтыг сонирхон судлагч, уншигч олонд зориулан Монгол Улсын нутаг дэвсгэр аймаг, нийслэлд хүчин төгөлдөр хэрэгжиж байгаа төр, сүм хийдийн харилцааг зохицуулдаг журмуудыг хуулийнх нь хамт эмхэтгэн нийтэлж байна.
