Монголын банкны салбар: Зууны сургамж, шийдэл
- ISBN: 978-9919-0285-5-8
- Хавтас: Хатуу
- Хэвлэгдсэн он: 2024
- Хуудас: 380
- Хэмжээ: 176x250 мм
- Үлдэгдэл: Үлдэгдэлтэй байна
Энэ ном нь Монгол Улсын банкны салбарын хөгжлийн түүхэн баримт, сургамж, сорилтыг судлан гаргаж, цаашид бодлогын түвшинд анхаарах асуудалд төвлөрсөн. Хөндөгдсөн асуудлыг түүхэн хөгжил, тулгарч буй сорилт, ирээдүйн хөгжлийн чиг хандлага гэсэн өнцгөөр онол, практикийн түвшинд судалж, санал зөвлөмж гаргахыг оролдов. “Монголын банкны салбар: Зууны сургамж, шийдэл” гэж нэрлэхдээ дараах агуулгыг бодов: Монгол Улсад орчин цагийн банкны салбар үүсэж, бэхэжсэний түүхэн 100 жилийн босгон дээр өнгөрсөн зууныхаа амжилт, сургамжаа эргэцүүлэн үнэлэлт, дүгнэлт хийн эргэцүүлж, цаашдын хөгжил дэвшилд анхаарах асуудлыг нээн илрүүлэх, шийдэл гаргах гэсэн ерөнхий агуулгыг хамрахыг зорив. Зууны туршид тохиосон олон сорилтыг тухай бүр шийдсээр ч ирсэн. Өчигдөргүй өнөөдөр, өнөөдөргүй маргааш гэж үгүй тул зууны ололт, сургамж нь өнгөрснийг ойлгох, ирээдүйг төсөөлөх боломжийг олгож, цаашдын гэрэлт замд хөтлөх шийдлийг санал болгох тустай.
