1. “Алсын хараа”

2. “Азийн Хүлэг Улс”

3. “Азийн Хүлэг Улс: Алсын хараа-2050”

1. 2005 онд анх хэвлэгдэн гарсан “Алсын Хараа” ном нь хувь хүн алсын хараа, эрхэм зорилгоо олж таних, түүнийгээ олж тодорхойлж чадсан хүн хэрхэн амжилттай, аз жаргалтай, нийгэмдээ хэрэгтэй хүн болж болох тухай өгүүлсэн бөгөөд тус номын 11 дэх хэвлэл нь юм.

1. 2015 онд хэвлэгдэн гарсан улс орны алсын хараа, эрхэм зорилгын тухай “Азийн Хүлэг Улс” хэмээх ном нь Харвардын Их сургуулийн олон улсын оюутан залуучуудтай өрнүүлсэн яриа хэлэлцүүлэг, дэлхийн шилдэг профессор, эрдэмтдийн судалгаа, эшлэл, бусад улс орнуудын жишээ түүх дээр үндэслэн бичсэн бөгөөд ардчилсан нийгмийн өнгөрсөн 25 жилийн дүгнэлт, ирэх 25 жилийн хөгжлийн төсөөллийг тодорхойлсон тус номын гурав дахь хэвлэл нь юм.

1. Монгол Улсын Ерөнхий сайд Л.Оюун-Эрдэнэ нь Монгол Улсын Засгийн газрын Хэрэг Эрхлэх Газрын даргаар ажиллах хугацаандаа “Алсын хараа 2050” Монгол Улсын урт хугацааны хөгжлийн бодлогыг боловсруулах ажлын хэсгийн ахлагчаар ажиллаж, бүтэн жилийн хугацаанд 1500 гаруй эрдэмтэн судлаачид, төрийн албан хаагчид, олон улсын байгууллагын шилдэг мэргэжилтнүүдтэй хамтран ажилласан. 2020 оны хавар УИХ-аар батлагдсан уг хөгжлийн бодлогыг суурь есөн зорилго, хөгжлийн 47 зорилттойгоор 10 жилийн хугацаатай гурван үечлэлээр тодорхойлсон. “Азийн Хүлэг Улс: Алсын хараа-2050” ном нь тус урт хугацааны хөгжлийн бодлогын баримт бичгийг өөрийн үзэл бодлоор хураангуйлан бичсэн ном юм.

Монгол Улсын урт хугацааны хөгжлийн бодлогын зорилго бүр Монгол хүний сайн сайхан байдлыг дээшлүүлэхэд чиглэсэн Монгол Улс 2050 он гэхэд байгаль, хэл, хил, соёлоо тогтвортой хадгалсан, нийгмийн болон эдийн засгийн хөгжлөөрөө тэргүүлэгч орон болох алсын харааг зорьж байгаа билээ.