Монгол хаадын бизнес загвар
- ISBN: 978-99192-3-139-2
- Хавтас: Зөөлөн
- Хэвлэгдсэн он: 2019
- Хуудас: 361
- Хэмжээ: 219*164мм
- Жин: 794
- Үлдэгдэл: Үлдэгдэлтэй байна
Эцэг өвгөдийнхөө амжилтыг өнөө цагт давтах тухай бодоход л бид гар мухар, сэтгэлгээ мохоо байдалтай нүүр тулж байна. Бидэнд үүнийг хэрэгжүүлэх технологи, загварчлал нь үгүйлэгдэж байна. Орчин үеийн дэлхий ертөнцийг хэрхэн байлдан дагуулах вэ гэдэгт энэ ном гол хариултыг өгөх болно. Энэхүү номын нэрэнд МОНГОЛ ХААДЫН БИЗНЕС ЗАГВАР гэсэн тайлбар зүүсэн нь ийм учиртай. Нөгөө талаас бизнес загвар гэж нэрлэсэн нь одоогийн хүмүүсийн ойлголтонд дөхүүлсэн хэрэг юм. Түүнээс биш монгол хаадын загварчлал нь одоогийн маш олон бизнес загваруудыг нэгтгэж дахин загварчилсантай дүйцүүлж болохоор асар том систем байсан нь эргэлзээгүй.
Энэ загварчлал нь наад захын компанийг цэгцлэхээс эхлээд эдийн засгийн салбаруудыг загварчилдаг, улс орныг загварчилдаг, цаашлаад бүс нутаг, дэлхий дахины том масштаб дээр ч хэрэглэгддэг универсал загварчлал байжээ. Энэ загварчлалыг одоогийн хөрсөн дээр буулгаж харвал Google, Amazon, Alibaba, Tesla, Крипто Валют, Дэлхийн банк, Үндэстэн дамнасан корпорациудыг нэгтгэж загварчилсантай дүйцүүлэн харж болно.
Загварчлалын гайхалтай тал нь бүх зүйлийг тэгээс нь эхэлж болдогт оршино. Хэнд ч тоогдохооргүй орон нутгийн жижиг компани, жижигхэн банкуудыг үндэстэн дамнасан корпорациудын хэмжээнд хүртэл томруулж чадах хүчин зүйл нь загварчлалд агуулагддаг.
