BOOK.MN | Номын зохиолч Жигжид Бямба

Жигжид Бямба

Зохиолч Жигжидийн Бямба 1933 онд Завхан аймгийн Ургамал сумын нутагт Хүнгүйн голд төрсөн. Бага сургууль,1953 онд Худалдааны техникум, УБДС-ийн англи хэлний тусгай сургалт, 1981 онд А. М. Горькийн нэрэмжит Утга зохиолын дээд сургуулийн дээд курсыг төгсжээ. Тэр бээр 1955 оноос урин бүтээл туурвиж "Талын цэцэг", “Улаалзай", "Энэрэлгүй хорвоо", "Хорвоогийн өнгө", "Үнэний хорвоо", “Их аяныхан", "Хайрын тухай туужууд", "Заяа тавилан буюу учрах хорвоо" зэрэг олон ном хэвлүүлснээс холбоо гурван туужууд болох 3 хорвоо романууд нь ихээхэн алдартай юм. Ж. Бямбын хорвоогийн тухай гурвал романыг зарим шүүмжлэгчид намын үзэл суртлын ажилтнуудтай хавсайдан намын үзэл суртлын эсрэг зохиол бичсэн гэж мушгин гуйвуулж хориод жилийн турш хавчин хяхаж хэлмэгдүүлсээр ирсэн юм. 1989 оны эхээр болсон Монголын зохиолчдын наймдугаар их хурлаас зохиолчийг уран бүтээлийнх нь хувьд цагаатгажээ. 1953 оноос Завхан аймгийн хоршоодын холбоонд зааварлагч, Гадаад худалдааны Яаманд улсын байцаагч, Энх тайван найрамдлын хороонд орчуулагч, “Спортын мэдээ” сонины хариуцлагатай нарийн бичгийн дарга, МЗЭ-ийн хороонд мэргэжлийн зохиолч, МРТУХ-нд тусгай сурвалжлагч, МЗЭ-ийн хорооны Д. Нацагдоржийн музейн эрхлэгч, МЧYЗХ-нд дэд тэргүүн, УИХ-ын гишүүн зэрэг ажил үүргийг 1992 он хүртэл зуурдаар нас нөгчтөлөө гүйцэтгэж явжээ.