Батжаргал.Д
Хүүхдийн зохиолч Д.Батжаргал Хөвсгөл аймгийн Баянзүрх суманд хулгана жилийн зуны эхэн сард төрсөн. 1978 оноос шүлэг зохиол сонирхон оролдож Зуны шинэ жил, Цагаан нарны тууж, Хаан хуруу, Шүхэр Дандий, С+Н=247, Чоко-Пай, Шүлэг яаж бичих вэ? зэрэг шүлэг үлгэр тууж өгүүллэгийн 30 шахам ном хэвлүүлжээ. 2001 онд Зуны шинэ жил номоороо МЗЭ-ийн нэрэмжит шагнал, 2007 онд Дархад бодол номоороо шилдэг бүтээлд олгодог Алтан өд шагнал хүртсэн байна. Одоо МУИС-д багшилж, оюутнуудад хүүхдийн уран зохиол, сэтгүүл зүйн хичээл зааж байна. 2011 онд Монголын орчин үеийн уран зохиол дахь хүүхдийн яруу найргийн уран чадварын төлөвшил, зарим асуудал сэдвээр хэлбичгийн ухааны доктор Ph.D-ын зэрэг хамгаалсан эрдэмтэн зохиолч юм. Мөн онд Хүүхэд багачуудын хөгжөөнтэй ном шилдэг бүтээлээрээ Д.Нацагдоржийн нэрэмжит шагнал хүртжээ.