Эмээгийн жорууд - 1
- ISBN:
- Хавтас: Зөөлөн
- Хэвлэгдсэн он: 2010
- Хуудас: 178
- Хэмжээ: 205х145 мм
- Жин: 235
- Үлдэгдэл: Дууссан
Эмээ гэж хэнсэн билээ? Энэ орчлонгиин хамгиин хүмүүний нэг мөнөөс мөн билээ. Статистикээс үзвэл, монголчуудын гучин хувь нь эмээ өвөө дээрээ өссөн байдаг аж. Тэд эмээгээ ээж хэмээн нэрлэж, төрсөн ижийгээсээ ялгаж хэлэхийн тулд, буурал ээж, залуу ээж хэмээн хоюуланг нь нэрийдэн байдаг билээ. Төрсөн эцэг эх дээрээ өссөн байлаа ч, эмээ хэмээх элбэрэлт зөөлөн, мэргэн ухаант эрхэм хүмүүн хүүхэд бүрийн сэтгэл зүрхэнд хоногшиж, насан туршийн шүтээн болдог шүү дээ.
Эмээ гэдэг хүн ихийг үзэж туулсан байдаг. Дээд боловсролгүй эмээ байлаа ч гэсэн, амьдралын их сургуулийг төгссөний тул, бүр олон олон жил суралцсаны тул эмээ бүр амьдралын дээд боловсролтон гарцаагүй мөнсөн билээ.
Тийм учраас, эмээ, бүхнийг мэднэ. Сансрын пуужингийн хөдөлгүүрийг сайн мэдэхгүй байж болно, гэхдээ хэн бүхний амьдрал ахуйд хэрэг болох тэр бүх зүйлийг эмээ мэдэж л байдаг буюу. Тэгэхлээр, эмээгээс асуух хэрэгтэй, эмээгээс суралцах хэрэгтэй.
Нэг л зүйлийн талаар олон янзын мэдлэг, зөвлөгөө, төсөөлел байдаг. Тэдгээрийг эмээ амьдралаараа шалгаж, хамгийн амар хялбар, оночтой зөвийг нь шалгаруулан олж мэдэж чадсан байдаг. Тиймээс, амьдралын бүхий л салбар мөчир, нахиа найлзуурт Эмээгийн жор л хамгийн их хэрэгтэй. Эмээгийн жороор явбал алдахгүй, алзахгүй. Эмээгийн жорыг л дагагтун, таминь ээ!
Энэ номонд, эрүүл мэнд, гэр бүл, ахуй амьдрал, сэтгэлзүй, нийгэм гээд л гол чухал салбаруудад хүн бүхний өмнө тулгамдаж тулгарч байдаг ээдрээтэй асуудал, асуулт бүрийг бүрнээ шийдвэрлэж, хариу өгч чадах 100 гаруй, эмээгийн жорууд орсон байгаа.
