Хүүрнэл зохиолын товчоон
Эрхлэн гаргасан: Гүн паблишинг
- ISBN: 978-99973-2-895-3
- Хавтас: Зөөлөн
- Хэвлэгдсэн он: 2014
- Хуудас: 266
- Хэмжээ: 203*143мм
- Жин: 330
- Үлдэгдэл: Дууссан
Зохиолч Г.Аюурзанын “Дурлалгүй ертөнцийн блюз”, “Есөн эсээ”, “Цасны роман”, “Хэвтрийн хүн”, “Амь тавьж буй шувууны далавч” зэрэг номуудыг нэгтгэсэн боть ном.
Хараагаараа унтдаг хүн гэнэт сэрэх мэт
Хачин адгуусан нүдээр намайг онож ядах
Өнгөрсөн юм гэдэг дандаа сэтгэл шимшрэм...
-Орчуулагч залуугийн цаг эвдэрчээ. Тиймээс өнөө өглөө ажлаасаа хожимдчихов. Хариугүй, арав болох нь. Гэтэл тэр замынхаа тэг дунд ч хүрээгүй явдаг. Гэрээс ажил хүртэл яг хорин минут алхана. Уг нь найм дөчид л гэрээсээ гардаг юм сан.
Хэдийгээр ажил руугаа яарч гүйхээрээ яваа ч, тэр ажлынхандаа дургүй. Ажлынхан нь түүнийг "хорхойд хоргүй амьтан" гэлцэх боловч, цаанаа л нэг шоолонгуй. Толь бичиг шагайж суухад, ард нь шоолон жуумалзах, дооглон ирмэлцэх байнга мэдрэгдэнэ. Гэвч түүнд өөр хийж чадах ажил байхгүй...
-Хнг!
Үнэртэй усны сэрүүхэн үнэр ханхлаад, дараа нь бүсгүй газар ойчив. Яарч яваад булан тойрохдоо өөдөөс гэнэт гарч ирсэн бүсгүйг дайрчихаж.
...Огт танихгүй бүсгүй инээмсэглэчихээд
Хажуугаар өнгөрөх нь
Хаа нэгтээ болсон учрал шиг.
Ахиж хэзээ ч тааралдахгүй
Тэр бүсгүйн сүрчигний үнэр...
