Тэмүжинг дөнгөж 20 нас хүрч байх энэ үед ядуу ардаас эхлээд язгууртан дээдсүүд хүртэл түүнийг хүндэтгэн тойрон хүрээлж, хуран цуглаж ирэв. Хотула хаанаас хойш өөрийн захирагдах нэгэн эзэнгүй болсон Монголчууд хэн нэг  хүчирхэг хүнийг бараадах буюу эсвэл талын нэг тарж бутарсан байдалтай амьдарч байв. Иймээс хүн ардыг нэгэн удирдлагад оруулах  нийгмийн зайлшгүй шаардлага урган гарч ирсэн юм. Хамаг Монголын ард түмнийг ааш зан, авьяас чадлаараа өөртөө татах чадвартай Монголын хуучин хаадын угсааны ойр төрлийнхний дунд Тэмүжинээс өөр байсангүй.