Тэмүжин 17 нас хүрэхүй цагт бага балчираасаа ижилдэн дассан Бөртэгээ санагалзан мөрөөдөх болж сүйт бүсгүйгээ авахаар дүү Бэлгүтэйгээ дагуулан Хонгирад нутгийг зорив. Тэднийг хүрч очиход Дэй Сэцэн ихэд баярлан Бөртэг Тэмүжинд өгөхөөр болов... Өэлүн эх хэдийгээр ядуу зүдүү байсан ч Тэмүжин Бөртэ хоёроо ёс төртэй хуримлуулна. Бөртэгийн инжинд хар булган дах ирсэн нь тэр үедээ асар их үнэтэй зүйл байжээ. Хүүхдүүд та бүхэн энэ номонд бас Тоорил хаантай танилцах болно. Тэмүжин Хэрэйдийн Тоорил хаантай нөхөрлөж түүний өмгөөлөлдл орсон нь түүний том амжилт байлаа... Гэвч Тэмүжин, Бөртэ хоёрын аз жаргал удаан үргэлжилсэнгүй. Учир нь Мэргид аймгийнхан Тэмүжинг сүйтгэхээр иржээ.