Хэрэв бид өнөөгийн дэлхийн явдлыг анхааралтай ажин харваас Чингисийн ул мөр, алдар гавьяаг хаанаас ч харж болно. Тэрбээр олон улсын хуулийг анх санаачилсан эцэг, шашны эрх чөлөөг бий болгосон анхны удирдагч, дипломат харилцаатай гүрний амбан сайдуудыг хамгаалсан хамгийн анхны хаан байсан юм. Түүний үед улс гүрний ихэс дээдэс нь хуулиас дээгүүр байсан бол Чингис хаан болон түүний гэр бүлийнхэн нь хуулийн дор байж, хуулийг чандлан сахих ёстойг тунхаглаж байсан юм. Тэрбээр ямар нэгэн цайз бэхэлгээ, хана туурга бариагүй бөгөөд харин түүхийн гүүрүүдийг баригч агуу их удирдагч байсан.