Агуу санаа цуврал 11: Эрх чөлөө
Эрхлэн гаргасан: Болор судар хэвлэлийн газар
- ISBN: 978-9919-523-30-5
- Хавтас: Зөөлөн
- Хэвлэгдсэн он: 2024
- Хуудас: 182
- Хэмжээ: 110х175 мм
- Жин: 155
- Үлдэгдэл: Үлдэгдэлтэй байна
Маргарет Этвүүд хүн төрөлхтний эрх чөлөө болоод эрх чөлөөгүйн асуудлыг хэд хэдэн бүтээлдээ хөндсөнөөс хамгийн алдартай нь олон улсад хэдэн сая хувь борлогдсон “Шивэгчний үлгэр” роман юм. 1985 онд анх хэвлэгдсэн уг ном Доналд Трампийг 2016 онд АНУ-ын Ерөнхийлөгчөөр сонгогдсоноос хойш дахин уншигчдын анхаарлыг ихэд татжээ. “Шивэгчний үлгэр”-ээр хийсэн телевизийн ижил нэрт цуврал 2017 онд дэлгэцнээ гарсан нь Эмми наадмаас олон шагнал хүртсэн байна. Уг зохиолынхоо санааг анх яаж олсон талаар зохиолч ийн ярьсан нь бий:
“Энэ номдоо би нэлээд хэдэн дүрэм журам баримталсны нэг нь Жеймс Жойсын түүхийн хар дарсан зүүд гэж нэрийдсэн үйл явдлуудаас тэс хөндлөн зохиомол явдлыг юм уу, эсвэл одоогоор огт боломжгүй байгаа ямар нэг технологийг ер нэмж бичихгүй гэсэн зарчим байсан. Хэт уран төсөөллийн хэцүү нэртэй багаж төхөөрөмж, хэт этгээд сонин хууль журам, санаанаасаа зохиосон хэтэрхий худал балмад явдлаар би зохиолоо дүүргэхийг хүсээгүй. Бурхан аар саархан юмсад оршдог гэдэг үг байдаг даа. Муу муухай зүйлс ч ялгаагүй”.
Эрх чөлөө гэж чухам юуг хэлнэ вэ? Миний 1985 оны роман “Шивэгчний үлгэр”-ийн Лидия эгч эрх чөлөөгөө хасуулсан шивэгчдэд “Эрх чөлөөнд хүрэх хийгээд эрх чөлөөнөөс ангижрах гээч нь хоёр ондоо зүйл. Анархийн эрин үед хэн ч эрх чөлөөнд хүрэх гэж тэмүүлнэ. Харин одоо та нарт эрх чөлөөнөөсөө ангижрах боломж байна. Ийм боломжийг бүү алд” гэж хэлдэг юм.
Хүмүүс бид тун ч урт удаан хугацаанд эрх чөлөө болоод эрхшээл хоорондын хил хязгаарыг таньж мэдэх гэж хичээжээ. Саяхныг хүртэл эрх чөлөөний дараа орох ганц сонголт нь торны ард суух биш, харин үхэх л байлаа.
