Ерөөл өргөе
Эрхлэн гаргасан: Мөнхийн Үсэг ХХК
- ISBN: 978-9919-0-0590-0
- Хавтас: Зөөлөн
- Хэвлэгдсэн он: 2023
- Хуудас: 141
- Хэмжээ: 150х210 мм
- Жин: 240
- Үлдэгдэл: Үлдэгдэлтэй байна
Цэцэн билигт Монголчуудын бүтээсэн аман зохиол арвин баялаг, басхүү эрт цагийн өнгө төрхөө хадгалж ирснээрээ бахархам билээ. Аман билгийн төрөл зүйлс ч олон. Эл учир бид дэлхийн бусад улс үндэстнээс ялгарч, гайхагдаж, тэдний анхаарлыг нь татсаар иржээ. Гэсэн ч эргэлт буцалтгүй цаг хугацааны эрх, нийгэм, соёл зэрэг янз бүрийн нөхцөл шалтгааны улмаас Монгол аман зохиолын бидэнд мэдэгдэж байгаа 40 шахам төрөл зүйлээс 60 шахам хувь нь үндсэндээ мартагдаж зарим нь устах ирмэгт тулжээ. Мартагдаж буй төрөлд ерөөл, магтаал орж байна. Учир нь ерөөл магтаалыг мэргэшсэн хүн буюу ерөөлч, магтаалч гэх тусгай авьяастан айлддаг. Төрөлхийн авьяастай, ёс заншлаа мэддэг, Монгол эх хэлээр өгүүлэхүйн ур чадварыг бүрэн эзэмшиж уран сайхан хэлдэг, тухайн цаг үед болж буй ёслолтой уялдуулан шууд зохиох буюу цэцэлж хэлдэг хүмүүс байх учиртай.
