Амьд бус амьдрагсад
- ISBN: 978-9919-27-675-1
- Хавтас: зөөлөн
- Хэвлэгдсэн он: 2022
- Хуудас: 320
- Хэмжээ: 175х240 мм
- Жин: 584
- Үлдэгдэл: Дууссан
Хоол идэн ,цай уугаад амсхийсэн хоёрын хөлс бурзайж дээлнийхээ ханцуйгаар хөлсөө шувтран арчаад Тарваа руу харан сая нэг инээмсэглэх аядан арай өндөр нуруутай залуу нь :
- Баярлалаа ах минь бид холоос яваа улс ёстой жигтэй юм үздэг юм байна шүү.
Тарваа ихэд лавшруулан хараад : За тэгээд юу үзээдхэв хө.
- Та ч бараг итгэхгүй дээ. Хүн итгэхээр ч яриад байх зүйл биш юм болов уу даа.
- Зүгээр хө ах нь итгэлгүй яахав. Тэнд бас янз бүрийн осол болдог гэж яриа гадуур их гардаг л юм.
Өнөөх залуу Тарваагийн үгийг өлгөн авч : Тэр үнэн байх шүү. Бид хоёр ингэлээл дээ. Адуугаа хайж явсаар ашгүй сургийг нь гаргаад л давхиад байлаа. Танай нутагт ойртох тусам айл багасаад байдаг шүү. Явсаар ашгүй саахалт хоёр айл тааралдаад ортол нэг залуу байна. Хэрэг зоригоо ч хэллээ. Тэр залуу адууг маань бүр зүстэй нь тоо ширхэгтэй нь мэдэж байна. Биднийг хоноод яв. Үд болчихож та хоёр холоос яваа улс төөрнө гэдэг юм байна. Та боддоо. Тэрүүхэн тэнд харагдах уулын энгэрээс адуугаа авчирах ,адууныхаа сургийг гаргасан бид хоёрт асуудал биш шүү дээ. Нар ч дээр байгаа хойно. Аа тийн бас нэг өвгөн ах байсан юм. Биднийг өглөө яв гэж хэлсэн юм. Бид хоёр удахгүй буцаад ирнэ гэсээр л хөдөллөө. Тэнд хоночихдог байж гэж бодсон шүү.
Тарваа ихэд бодолд орон суунгаа. Тэр айл чинь эндээс хол уу?
- Яг тэндээс хархад холгүй л байсан даа. Харин наашаа уулын энгэр рүү ирэхэд бүрий болчихсон бас сонин шүү.Энүүхэн энд л харагдах уул тийм зайтайг бид яахан мэдэх вэ?
- За тэгээд дараа нь яасан гэнэ...
