Цагаан чулууны домог
Эрхлэн гаргасан: Nepko publishing
- ISBN: 978-9919-51-150-0
- Хавтас: Зөөлөн
- Хэвлэгдсэн он: 2022
- Хуудас: 393
- Хэмжээ: 145х205 мм
- Жин: 468
- Үлдэгдэл: Дууссан
Өвлийн адаг сарын хуучдаар тул хүйтний эрч суларч байгаа ч, гэрт зуухандаа хөрзөн өрдсөнд халуу дүүгэж таатай сайхан байна. Уул нь өдөр уртасч байгаа ч нар аль хэдийнээ жаргаад, хааяа малын тургилах, салхины дүнгэнэх чимээ сонстож байлаа. Энэ нутгийнхны гэр орон нь нүүж суухад, барьж буулгахад төвөггүй, нүүдлийн амьдралд зохицсон яс мод, эсгий, даавуу бүрээснээс бүрддэг авсаархан юм. Яс модонд тооно, унь, хана, багана, хаалга орно. Бүрээст, дотуур гадуур цагаан бүрээс, эсгий дээвэр, туурга, өрх, хаяавч, хөшиг орно. Мөн дотуур гадуур бүслүүр хошлон их үүрэгтэй. Энэ нутгийнхан гэрийнхээ үүдийг зүүн өмнө зүг рүү харуулан барьдаг. Гэрээ хүний бие эрхтэнтэй адилтгаж хүндэтгэн нэрлэдэг. Тооныг “Толгой,” өрхийг “Малгай,” хаалгыг “Ам,” тотгыг “Хүзүү,” босгыг “Багалзуур” гэх мэтээр нэрлэнэ. Өрх бол гэрийг төлөөлдөг чухал хэсэг бөгөөд, заримдаа хүмүүс өрх гэр, өрх айл гэж нэг гэрт амьдарч байгаа хүмүүсийг хэлдэг. Өрх нь тэр гэрт хүн амьдарч байгаагийн бэлгэ тэмдэг болдог. Орой унтахдаа өрхөө бүтээгээд, өглөө босоод өрхөө татдаг. Өрхөөр тэр айлын эрт, орой босдогийг мэдэж болно.
