Хүндэт залхуу
Эрхлэн гаргасан: Мөнхийн Үсэг ХХК
- ISBN: 978-99929-1-918-7
- Хавтас: Зөөлөн
- Хэвлэгдсэн он: 2016
- Хуудас: 30
- Хэмжээ: 145х205мм
- Жин: 70
- Үлдэгдэл: Дууссан
Хүндэт залхуу хүүхдийн уран зохиолын ном нь сонирхолтой хөгжөөнтэй байдлаар бичигдсэн богино хэмжээний өгүүллэг юм.
- Аавын бондгор босоорой. Өө өдий болсон эр хүн чинь хэзээ нойрмоглож байсан юм. Эр хүн гэдэг чинь нойронд сэргэг, номонд мэргэн, дайнд баатар далайд усч гэдэг юм шүү дээ гээд аав духан дээр минь үнэрлэхэд хэчнээн сайхан байсан ч нөгөө гайт нойр нь ханаж өгөхгүй нүдээ нээхээс ч дургүй хүрнэ.
Би нойрноос сзрснээ мэдэгдэх гэж орондоо хөлбөрөв. Аав ээж хоёр минь ажилдаа явахаар үүдний хонгилд гангар гунгар ярилцан гадуур хувцасаа өмсөцгөөх нь сонсогдоно. "За одоо ээж буцаж өрөө рүү минь шагайн захиасаа хэлнэ дээ" гэж бодон дотроо "нэг, хо-ёр, гу-рав" хэмээн аажуухан тоолтол ээж минь
- Миний бондгор босоорой. Өнөөдөр уран зохиолын хичээлдээ шүүлэгтэй гэсэн биз дээ. Эртхэн босож ганц хоёр сэдэв уншаарай гэв.
Намайг нүдээ нухлан дуртай дургүй өндийхөд ээж минь гараа уруулдаа хүргэн агаарын үнсэлт илгээн
- Миний бондгор шалгалтаа амжилттай өгөөрэй. Баяртай гээд гарав.
Аав ээж хоёр гадна хаалгыг зөөлхөн хаахад тээгэн түгжээ нь торхийн түгжигдэв. Үүдний түгжээтэй хамт хоёр нүдний минь түгжээ мултрав уу гэлтэй өөрийн эрхгүй хүнийх мэт анилдахад би ч дэрэн дээрээ буудуулсан юм шиг унав. Хэдийгээр нүдээ тас анин хэвтсэн ч тийм ч хурдан унтаж чадсангүй. Ханын цагны чаг-чаг дуугарах нь бос-бос гэх шиг тээртэй чанга сонсогдоно. Нойр сэргээн хангинах ханын цагийг дотроо хараан өрөөсөн нүдээрээ шагайн харвал дөнгөж 7.30 болж байна. Нойрондоо харамсан хөнжлөөрөө толгойгоо бүтээн хэвтвэл цагны чаг-чаг цохилох сонсогдохгүй болов. Үргэлжлэлийг та энэхүү номноосоо уншаарай.
