3 настнууд шинэ үг бүрийг сэтгэл хөдлөн хүлээн авдаг. Заримдаа өөрөө өөртэйгөө ярьж түүнийгээ үйл хөдөлгөөнөөр илэрхийлнэ. Тэд тоглоомоос сэтгэлийн асар их баяр баясгаланг олж авдаг. Хүүхдийн 3-4 нас бол үг, үсгэнд хандах сонирхол болон чадвар, идэвх нь маш ихээр нэмэгддэг нас юм. 1200 – 1500 үгийн дотор ярина. Ойрын хэрэглэгдэх үгнүүд, өнгөний оноосон нэр, мэндчилгээний үгсийг сурч эхэлдэг бөгөөд үсэгний дасгал хийлгэхэд амархан сурдаг.Энэ үед тоглоом болон өдөр тутмын амьдарлын  зүйлсийг ашиглан хүүхдийнхээ  ярианы баялгийг нь нэмэгдүүлэхэд анхаараарай. “Шидэт түлхүүр” хөгжлийн хөтөлбөрийн  “Шидэт ном” энэхүү цувралаараа багачууддаа үндсэн 7 эгшиг буюу а,о,у,э,ө,ү,и үсгүүдийг  таньж, үг бүтээн, уншиж сурах, үсгээ ашиглан зам олох, мөн  үгийн сүүл, хэл зүгшрүүлэх үг, түргэн хэллэг, оньсого ,зүйр цэцэн үг зэрэг үгэн тоглоомуудаар  хөгжилдөнгөө хэл зүй, үгсийн сангийн мэдлэгээ нэмэгдүүлэх боломжийг олгож байна. Мөн өөрөө  хайч, цавуу ашиглан бүтээл хийх, зүй тогтлыг олж эвлүүлэх, байрлуулах, наах зэргээр тоглонгоо логик сэтгэлгээ, бүтээлч чадвараа хөгжүүлэх дасгал тоглоомуудыг давхар оруулж өгснөөрөө онцлогтой. Энэ нь бяцхан багачуудад зохион бүтээх , хийж урлахын баяр баясгаланг мэдрүүлж, сурч мэдэх хүсэл эрмэлзлийг нь өдөөж өгөх ач холбогдолтой юм.
 “Шидэт ном”-ын хэл зүй,  үгсийн сангийн  чадвараа сайжруулах дасгалуудыг хийж дууссанаар таны хүүхэд үсгийг хөгжилтэйгөөр танин мэдэж, хэл ярианы болон хэлзүй , үгсийн сангийн мэдлэгээ сайжруулж, үгийн баялгаа нэмэгдүүлэхээс гадна өөрийгөө илэрхийлэх чадвар нь дээшилж ,логик сэтгэлгээ,ой тогтоолт, бүтээлч сэтгэлгээ, гарын жижиг булчин, ажиглах, ялгах, сэтгэх, эргэцүүлэх чадваруудаа  давхар хөгжүүлэх ач холбогдолтой юм.