Ялгах чадварыг хөгжүүлэх “Шидэт ном”

5 насанд тархины хөгжил маш хурдацтай явагдаж байдаг.Анхаарал нь хөгжиж ирнэ. Гэр орондоо их хайртай. Үе тэнгийнхэн рүүгээ тэмүүлэх нь ихэснэ.Гэртээ байхаас илүү цэцэрлэгт байвал хүүхдэд чухал. Тэд амьдралын харилцааны баялаг туршлагыг хамт олны дунд байхдаа олж авдаг бөгөөд туршлагатай сайн багш нарын нөлөөгөөр сайн чанарыг өөртөө шингээн авах, өөрийн болгох бүрэн боломжтой. Тэд аль хэдийнээ өөрийн гэсэн үнэлэмж , хандлагатай болсон байдаг. Өөрөө бүгдийг барьж үзэх, хийж үзэх хүсэл эрмэлзлэлээр дүүрч ирдэг. Мөн хүүхдийн амьдралыг үзэх үзэл болон хөгжлийн гол гол суурь чадварууд нь төлөвшиж, өндөр нам, урт богино ,баруун зүүнээ ялгахаар болсон байдаг. “Шидэт түлхүүр” брэндийн “Шидэт ном” энэхүү цувралаараа хэсэг болон бүлгийн ялгааг хөгжилтэйгөөр олох дасгалуудаар багачууддаа бэлэг барьж байна Эдгээр дасгалуудыг хийснээр хүүхэд таньж мэдсэн зүйлээ бодит зүйлтэй харьцуулан жиших, төсөөлөх, бүхэл болон хэсгийн ялгааг олж сонголт хийх, шийдвэр гаргах зэргээр оюуны олон үйлдлийг зэрэг хийхийн зэрэгцээ ирээдүйд зөв сонголт хииж чаддаг болох дадалд сурч буйгаараа чухал ач холбогдолтой юм. Мөн өөрөө хайч, цавуу ашиглан бүтээл хийх, зүй тогтлыг олж эвлүүлэх, байрлуулах, наах зэргээр тоглонгоо логик сэтгэлгээ, бүтээлч чадвараа хөгжүүлэх дасгал тоглоомуудыг давхар оруулж өгснөөрөө онцлогтой. Энэ нь бяцхан багачуудад зохион бүтээх , хийж урлахын асар их баяр баясгаланг мэдрүүлж, сурах, мэдэх хүсэл эрмэлзлийг нь илүү ихээр өдөөж өгөх болно.

“Шидэт ном”-ынхоо ялгах чадварын дасгалуудыг хийж дууссанаар таны хүүхэд гарын жижиг булчингаа хөгжүүлж, үгийн баялгаа нэмэгдүүлэн, хэл ярианы хөгжлөө сайжруулахаас гадна логик сэтгэлгээ, ой тогтоолт ,бүтээлч сэтгэлгээ, төсөөлөн бодох, ажиглах , сэтгэх, эргэцүүлэн бодох, ангилан ялгах зэрэг чадваруудаа давхар хөгжүүлж байгаагаараа ач холбогдолтой юм.