Үйлийн үрийн саруул толь
- ISBN: 978-99192-3-756-1
- Хавтас: Зөөлөн
- Хэвлэгдсэн он: 2020
- Хуудас: 224
- Хэмжээ: 205*147мм
- Жин: 315
- Үлдэгдэл: Дууссан
Та юу тарина, түүнийгээ хурааж авна. Харин чанаргүй, хортой муу үр суулгавал газрын хөрсийг сүйтгээд зогсохгүй бидний эрүүл мэндэд маш аюултай. Сайн чанарын үр суулгавал үржил шимтэй эрүүл үр тариа хурааж авна. Энэ нь эрүүл мэндэд маш тустай.
Амьдралын зүй тогтол яг үүнтэй адил юм. Атаа хорсол, уур хилэн, шунал тачаал зэрэг хар буруу санаа өвөрлөн хийсэн ямагт хар мөртэй. Өнгөдөө болоод байгаа мэт авч уг чанартаа хор тариад яваа хэрэг. Яван явсаар гарахааргүй ангалд унах аюултай. Үндэс нь хортой учраас.
Харин зөв бодлоор хийсэн аливаа үйл ямагт цагаан мөртэй. Түр нэг доройтовч үр нь үндэслэхийн цагт эргэж төлжөөд амьдрал аясаараа дэвжин дээшилнэ. Арга байж уу, үр үндэс нь эрүүл, эм мэт шимтэй учраас юм. Энэ бол шалтгаан үрийн үйлчлэх зүй тогтол. Үүнийг Үйлийн үр хэмээх ажээ.
Үйлийн үр гэхээр хар буруугаар бодох хэрэггүй. Үйлийн үрийг хар цагаан гэж ангилдаг. Нүгэлт үйл нь хар, буянт үйл нь цагаан үйл юм. Өвчин зовлон, ядуу тарчиг байхыг хэн ч үл хүснэ. Хүн болгон аз жаргал, сайхан амьдралыг хүсдэг. Гагцхүү муу бүхний ул мөрийг үндсээр нь тасар тасдаж, сайн сайхны үрийг суулгах хэрэгтэй. Энэ зам мөрийг “ҮЙЛИЙН ҮРИЙН САРУУЛ ТОЛЬ”-д цэлийтэл тов тодорхой өгүүлжээ.
