Монгол орон судлал
- ISBN: 978-99192-3-667-0
- Хавтас: Зөөлөн
- Хэвлэгдсэн он: 2020
- Хуудас: 214
- Хэмжээ: 246*173мм
- Жин: 410
- Үлдэгдэл: Дууссан
МУИС-ийн багш Ч.Баттулгын дэлгэн барьж буй энэхүү бүтээл танд Монголын тухай цогц мэдлэг, иж бүрэн мэдээлэл өгөхүйц агуулгын багтаамж ихтэй, сэдэв өргөн дэлгэр, сургалтын ач холбогдолтой төдийгүй номынхоо бүтэц, зохиомж, агуулгыг логик учирзүйн холбоотой, систем дэс дараатай өрнүүлэн бичсэн байна. Тухайлбал, Монгол улсын тухай, Монгол улсын засаг захиргааны нэгж ба нутаг дэвсгэр, хүн ам, монгол орны байгаль цаг агаарын онцлог, байгалийн баялаг...гээд ерөнхий мэдээллээс уруудуулаад монголчуудын эрхэлдэг аж ахуй, оромж сууц, хувцас хунар, хоол хүнс, тоглоом наадгай... гээд эд өлгийн зүйлс, улмаар монголчуудын оюуны өв соёл, үндэсний урлагийн гайхамшиг, монголын түүх, шашин, хэл, соёл, боловсрол, ёс заншлын сэдвүүдийг хамарчээ.
Хичээл бүрээр нэг сэдвийг уншиж, утгыг хэрхэн ойлгосноо ярих, бичих, асуултанд хариулах, даалгаврыг бие даан хийх, тухайн сэдэвтэй холбоотой зураг, бүдүүвч үзэж, мэдлэгээ бататгах, эх бичвэрт эшилсэн ном зүйг давхар уншиж мэдэх зэргээр сурах бичигт тавигддаг шаардлагыг бүрэн хангасныг онцлон тэмдэглэх хэрэгтэй.
Мөн энэ бүтээл нь зөвхөн гадаадын оюутан сурагчид гэлтгүй монгол хүүхэд бүрийн унших, монгол айл бүрийн гэрт байх “Монголоо багтаасан” ном болжээ.
