Монгол төрийн эдийн засгийн бодлого/ сорил, сургамж, асуудал/ 1911-2018
- ISBN: 978-99978-6-883-1
- Хавтас: Хатуу
- Хэвлэгдсэн он: 2019
- Хуудас: 469
- Хэмжээ: 255*180мм
- Жин: 963
- Үлдэгдэл: Дууссан
Энэхүү бүтээлийг Удирдлагын Академийн Эдийн засаг санхүүгийн тэнхимийн үе үеийн эрдэмтэн багш нар хамтран бүтээсэн билээ. Эдийн засгийн бодлогын анхдагч зорилгын хувьд үйл явцын бодлого, бүтцийн болон дэг журмын бодлого хэмээн гурав ангилсан байдагт үндэслэн номыг дөрвөн бүлэгтэй бичсэн. Нэгдүгээр бүлэгт: Богд Хаант Монгол Улс, төвлөрсөн төлөвлөгөөт Бүгд Найрамдах Монгол Ард Улс болон зах зээлийн тогтолцоонд шилжих эхэн үеийн эдийн засгийн нөхцөл байдал, бодлого, үйл ажиллагаа, үр дүн болон сорилт, сургамж тулгамдсан асуудлуудыг тодорхойлон бичив. Хоёрдугаар бүлэгт: Эдийн засгийн үйл явцыг зохицуулах ялангуяа эдийн засгийн коньюнктурын өөрчлөлтөнд нөлөөлөх зорилго бүхий мөнгөний болон төсөв-санхүүгийн тогтворжуулах бодлого, орлого эд хөрөнгийн дахин хуваарилалтыг зохицуулах татварын бодлого, төсвийн зарлагын бодлого, санхүүгийн зах зээлийн бодлого, улсын өрийн удирдлага болон төрийн санхүүгийн хяналт хариуцлагын асуудлуудыг багтаав. Гуравдугаар бүлэгт: Эдийн засгийн бүтэц болон бүс нутгийн тэнцвэртэй хөгжлийг төлөвшүүлэн хөгжүүлэх зорилго бүхий эдийн засгийн хөгжлийн, гадаадын шууд хөрөнгө оруулалтын, эрчим хүчний, хөдөө аж ахуйн бодлого, аялал жуулчлалын болон боловсролын бодлого зэргийг судлан бичив. Дөрөвдүгээр бүлэгт: Эдийн засгийн дэг журмыг төлөвшүүлэн тогтоох, ерөнхий нөхцлийг төлөвшүүлэх өрсөлдөөний бодлого, хүрээлэн буй орчны бодлого болон өмчлөх эрхийн асуудлуудыг судлан толилуулав.
