Монголын нууц товчооны судлалын чуулган
- ISBN: 978-99929-2-626-0
- Хавтас: Зөөлөн
- Хэвлэгдсэн он: 2016
- Хуудас: 256
- Хэмжээ: 245*175мм
- Жин: 495
- Үлдэгдэл: Дууссан
"Монголын нууц товчоон" хэмээх агуу түүхэн сурвалж нь тусгай мөр эзлүүлэн бичсэн "Чингис хааны язгуур" гэсэн үг хэллэгээр эхэлдэг. Энэ бол уг бүтээлийн хамгийн анхны албан ёсны нэр гэдэгтэй олон монголч эрдэмтэн санал нийлдэг.
Тэнгэрлэг их эзэн Чингис хаантны эснэсний 850 жилийн түүхэн ойд зориулж 2012 оны XI сарын 14-ний өдөр зохион байгуулсан хүндэтгэлийн хуралдаан дээр Монгол улсын Ерөнхийлөгч Цахиагийн Элбэгдорж "Тэмүжин-Чингис бол монголчууд бидний хаан бахархал юм" хэмээсэн хэлсэн үгэндээ "Чингис хаан "Бие хэврэг, билиг мөнх"-ийг багаасаа ухаарсан. Түүний бие бидний дунд үгүй ч билиг нь үлджээ. Тэр зөвийг авамтгай, бусдыг сонсомтгой, муу сайн үгийг эн тэнцүү даадаг хүн байсан. Тэмүжин сэлэм шиг иртэй явахдаа ч олзны боолын өчиг дундаас буудайн чинээ алтан санааг алдалгүй шүүрдэг байсан. Чингис хаан "Алд бие минь алжааваас алжаатугай, аху төр минь бүү алдартугай" гэж сургасан. Ийнхүү их хаантан "Төрсөн бие минь мөнх биш ч, төр улс минь мөнх оршиг ээ" гэж зарлигдсан юм. Аху төр, аюулгүй байдал гэдгийг Чингис хаан хууль зарлиг, түүний хэрэгжилт гэж ойлгож явсан. Энэ бол Чингис хааны агуу билиг шингэсэн сургаал билээ. Чингис хаан биеийн хүчнээс билгийн хүчинд илүүтэй итгэдэг байсан
