Маршалын нууц товчоо - Гэлэгдоржийн ДЭМИД
Эрхлэн гаргасан: Болор судар хэвлэлийн газар
- ISBN: 978-99978-6-410-9
- Хавтас: Зөөлөн
- Хэвлэгдсэн он: 2019
- Хуудас: 448
- Хэмжээ: 148*210мм
- Жин: 531
- Үлдэгдэл: Дууссан
МОНГОЛ УЛСЫН МАРШАЛ ГЭЛЭГДОРЖИЙН ДЭМИД
Сайн ноён хан аймгийн Сэцэн Чин вангийн хошууны малчин ард Гэлэгдоржийн хоёрдугаар хүү Дэмид бага залуу насандаа жин тээж яваад санамсаргүй байдлаар ардын журамт цэрэгт элсэн орсон нь эх оронч хүүгийн ирээдүйн их замын эхлэл болжээ.
Сэргэлэн цовоо байдал, өөрийн авхаалж самбаагаар жанжин Сүхийн анхааралд өртөж чадсан түүний амьдралын замнал нь гэрлийн хурдаар өсөж байлаа. Бүх цэргийн жанжны хувьд тэрбээр "Орос Зөвлөлтийн цэргийн анги монгол нутагт байрлах шаардлагагүй" гэж үзэж байсан бөгөөд энэхүү санаагаа Сталин, Ворошилов нартай уулзахдаа ч илэрхийлдэг байж. 1937 оны наймдугаар сарын 22-нд Тайга өртөөнд учир битүүлэг нас барсан нь түүний энэхүү хатуу бодлого, эх оронч санал санаачилгатай холбоотой гэж үздэг байна.
Бүх цэргийн жанжин Г.Дэмид нас барсны маргааш ЗХУ-ын Дотоод хэргийн ардын комиссарын орлогч М.П.Фриновский "Загавор-1" буюу баривчлах ёстой 114 хүний нэрийг авч ирж өгсөн нь залуу жанжны үхлийн шалтгааныг тодруулж өгөх шиг болдог. Г.Дэмид амьд мэнд байсан бол 1930-аад оны Монголын түүх өөрөөр бичигдэх байжээ гэж үздэг. Гэвч түүхэнд "Хэрвээ" гэдэг үг байдаггүй.
