Би дараагийн зуунд эргэж ирнэ
- ISBN: 978-99978-1-685-6
- Хавтас: Хатуу
- Хэвлэгдсэн он: 2017
- Хуудас: 327
- Хэмжээ: 200*145мм
- Жин: 470
- Үлдэгдэл: Дууссан
Дамдины Жамъян нэрт найруулагч И.Нямгаваагийн тухай “Би дараагийн зуунд эргэж ирнэ” хэмээх эссэ роман бичжээ. Өчигдөр болсон энэхүү номын нээлтэн дээр киноныхон болон сэтгүүл зүй, утга зохиолынхон цугларч халуун яриа өрнүүлэв. Гурван зуу гаруй хуудастай энэхүү том хэмжээний номонд төрийн соёрхолт Б.Догмид, Соёлын гавъяат зүтгэлтэн Ж.Нэргүй нарын бичсэн хөрөг найруулал багтжээ. Энэ хоёр эрхэмтэй зэрэгцээд миний бичсэн “Гарын таван хурууны Шагдарыг ганцаардлаас чөлөөлсөн тэмдэглэл” хэмээх кино шүүмж багтсан нь нэр төрийн хэрэг байлаа.Найруулагч И.Нямгаваагийн бүтээсэн кино болгон хүмүүний сэтгэлийн нандин утсыг хөнддөг. Тэрбээр “Би чамд хайртай”, “Нандин эрдэнэ”, “Цахилж яваа гөрөөс”, “Бой”, “Догшин хутагтын сахиус”, “Газар шороо мину зэ”, “Байлдан дагуулагч”, “Чингис хаан” зэрэг уран сайхны олон арван кино дэлгэцнээ амилуулсан нэгэн бөгөөд “Гарын таван хуруу” бол түүний зохиолыг нь бичиж, найруулан тавьсан уран чадварын нэгээхэн хэсэг нь болой.
