Субашид
- ISBN: 978-99978-1-921-5
- Хавтас: Зөөлөн
- Хэвлэгдсэн он: 2015
- Хуудас: 276
- Хэмжээ: 205*142мм
- Жин: 360
- Үлдэгдэл: Дууссан
Монголын ард түмний хувьд хөрш зэргэлдээ орны уран зохиолын дээжээс орчуулах ажил аль эрт эхэлснийг "Сайтар номлосон эрдэнийн сан Субашид"-ийг 800-гаад жилийн тэртээгээс эх сайхан монгол хэлээрээ танилцсанаас мэдэж болно. Төвдийн эрдэмтэн Гунгаажалцаны зохиол "Эрдэнийн сан Субашид" бол сургаалийн шүлгээр үл барам нийт Монголын хуучин уран зохиолд чухал нөлөө үзүүлсэн зохиол болно. Тийм ч учраас ард түмний дунд "Уйлъяа гэвэл Ушаандрыг, Суръяа гэвэл Субашидийг" гэсэн зүйр үг гарсан байна хэмээн бичсэн нь бий. "Субашид" бол XIV зуунд тарнич тойн Сономгара, XVIII зуунд Урад хошууны мэргэн гэгээн Дамбажалсан, 1778 онд Цахар гэвш Лувсанчүлтэм, XIX зууны сүүл үед Буриадын Агын дацангийн ширээт лам Лувсанринчен буюу Сумади Радна гээд үе үеийн бичгийн мэргэд төвд хэлнээс орчуулсаар иржээ. 2011 онд Ж.Дорж хэмээх дээд өвгөдөөсөө төвд хэл, буддын гүн ухаанд суралцан цагааширч номын амтанд орсон идэр сэхээтэн "Субашид"-ийг төвд хэлнээс орчуулж уншигчид, эрдэм шиинжилгээний ажилтан, үзэн шинжих, шимтэн унших оюунтны билгийн мэлмийд хүргэж байна. Уг номын орчуулгад төвд эх, англи тайлбар орчуулгыг мөн дагалдуулсан байна.
