Миний захидлууд
Эрхлэн гаргасан: Зохист дорно хэвлэлийн газар
- ISBN: 978-99978-861-7-0
- Хавтас: Зөөлөн
- Хэвлэгдсэн он: 2017
- Хуудас: 251
- Хэмжээ: 205*145мм
- Жин: 325
- Үлдэгдэл: Дууссан
Үнэн
Үнсэн саарал орчлонд хуурмаг манан татчихаад
Үнэн гэгчийг надаас нууцлаад байх юм аа
Үйл тээсэн бодлоосоо эрж бүдэрсээр явна
Үхэлд хөөгдсөн зүрх минь эцэж бэтгэрсээр зовно
Хайгаад олддоггүй тэр үнэн гэгчийг
Хаана хэн булж орхисон юм болоо
Ухаан номонд үүрд дархалж хавтсыг нь хаагаад
Ул мөрийг нь баллаж орхисон юм биш байгаа
Хамаагүй үнэн гэж байдаг бол
Харах нүдээ ширгэтэл түүнийг би эрээд
Хамгийн ядарсны зовлонг өөртөө үүрч
Хар хэрээнүүдийг өөрийнхөө зовлонгоор хооллох сон /1991-11-3/
* * *
Миний монгол хаана байна
Үүлэнд шүргэх хадан цохионд өдөлсөн бүргэд
Өтөлсөн ч өдөлсөн газраа орхин яваагүй
Өртөө газраас айлын нүүдэл домботой цай барин тосдог
Өвгөд нь хоймроо тухалсан өөвгөрхөн эсгий гэртэй миний
Монгол хаана байна?
Хөрвөх хорвоон эргэлтэнд тулга нь зэвэрч хэвтээгүй
Хөдсөн дээл, торгон хантаазтай малаа л дагана
Хөл нүцгэн багачуул шилбүүр унан чавхадсан
Хөхөөн дуутай зуныг хөхүүртэй айргандаа бүрсэн
Миний Монгол хаана байна
Олз, мөнгө хайж хүрээ хийдээр тэнээгүй
Онгиргон залуус ч айлоын гадаа морины хурдаа ирдэггүй
Орохдоо хүртэл нохой хорь оо гэж зөвшөөрөл авдаг
Миний Монгол хаана байна
Овоогоо тахиж буян заяа гуйдаг
Миний монгол хаана байна...
...Их түүхийн Монгол минь өнөөдөр
Энэ цагийн тоосонд дарагдлаа гэж үү...
