Навчисын хүүрнэл
Эрхлэн гаргасан: Соёмбо пресс ХХК
- ISBN: 978-99978-1-773-0
- Хавтас: Зөөлөн
- Хэвлэгдсэн он: 2017
- Хуудас: 304
- Хэмжээ: 205*140мм
- Жин: 360
- Үлдэгдэл: Дууссан
Үнэн гэдэг элсэн дундах алтны хумхи лугаа адил бөгөөд гагцхүү үнэнийг буцаж цуцашгүй эрэгч л түүний гялсхийх шижир алтан туяаг олж үздэг ажгуу.
"Би үнэнийг эрж хайсан... Тийнхүү эрж хайсан нь миний нэгэн насны явдал мөн..." хэмээн Махатма Ганди бичсэн байдаг.
Эрх чөлөөний өөр нэг зүйрлэл
Эрх чөлөөг эрх чөлөө гэх нь боолчлогдолыг боолчлогдол гэсэнтэй адил уг юмны мөн чанарыг хэзээ ч илэрхийлж чаддагүй. Хэрвээ "эрх чөлөө" гэдэг үг ганцхан энэ үгээр л илэрхийлэгддэг сэн бол эрх чөлөө эрх чөлөө биш байх байсан. Аз болоход эрх чөлөө олон, бүр тоолж барашгүй олон нэртэй. Түүнээс зөвхөн ганц хоёрхоныг нь хойно авч үзнэ. Ганц хоёрхоныг авч үзэж байгаагийн учир бол нэг хүн нэг их олон нэр мэддгүйтэй ч, мэдэх боломжгүйтэй ч, ер аль алинтай нь холбоотой бизээ.
Эрх чөлөө хэмээх ухагдахууныг өрнийн олон ухаантан философийн ном зохиолууддаа тайлбарлахыг оролдсон байдаг. Зарим нэгэн хүн эртний герегийн тэр энэ анх энэ ухагдахууныг гаргаж ирсэн энэ тэр гэж мэдэхийрсэн нь ч бий. Ингэж бичиж байгаа хүн эрх чөлөөг ганц нэг үг гаргалгаагаар тодорхойлчихож болно гэж ойлгодог бололтой. Гэтэл өнөөг хүртэл хүн төрөлтөн эрх чөлөө гэж юу болохыг бүрэн ойлгоогүй байгаагаар үл барам нэг ч суутан тодорхойлчихож чадаагүй л байгаа ухагдахуун. Тэр ч бүү хэл, бүрэн дүүрэн эрх чөлөөтэй хүн манай энэ дэлхий ертөнцөд бий гэж үү? Эргэлзээтэй. Бүрэн дүүрэн эрх чөлөө гэдэг бол туйлын эрх чөлөө. Туйлын эрх чөлөөт хүн бүү хэл аьтан ургамал ч манай энэ ертөнцөд байх боломжгүй.
