Altogether
- ISBN: 978-99973-7-946-7
- Хавтас: Зөөлөн
- Хэвлэгдсэн он: 2016
- Хуудас: 193
- Хэмжээ: 115х175 мм
- Жин: 165
- Үлдэгдэл: Дууссан
Нийтийн байранд амьдрахад хамгийн эхний хүнд асуудал бол мэдээж жорлон. Харин хамгий сайхан нь ямар ч төрлийн сонирхолтой хүмүссийг харж болох нь. Энэ хоёртой холбоотой нэгэн сонин түүх надад тохиолдсон юм.
Би оройдоо тамхи татахаар жорлон руу ордог байлаа. Жижигхэн өрөөндөө тамхи татвал үнэр нь хувцсанд шингэчих гээд байдаг болохоор хажуухан байх жорлон руу орж тамхилахад боломжийн байдаг юм. Манай муур ч элдэв утаанд дургүй, цонхоор гараад явчихдаг байсан болохоор өрөөний хамтрагчаа аль болох таатай байлгах зорилгоор ингэх нь дээр санагдана. Тэр нэг өдөр бас л хэвшсэн ёсоороо жорлон ороод тамхиа асаан нийтийн байрны ард талын цэцэрлэгийг тэр чигээр нь харуулах цэлийсэн цонхоор хүмүүсийг ажиж зогслоо. Хүмүүс ажих надад их сонирхолтой санагддаг л даа. Яг л хүүхэд байхдаа телевизийн амьтны сувдаар элдэв төрлийн шинэ амьтад үздэг байсан шиг. Хүмүүс ч нэг их ялгаагүй дээ. Амьтад бол хэлбэр дүрсээрээ өөр, хүмүүс үйл хөдлөлөөрөө өөр. Харин жорлонд ингээд зогсоход үнэр нь тийм таатай биш ч гэлээ тамхи ассан хойно бол нэг их асуудал биш болчихоно. Тэгтэл зэрэгцээ дөрвөн жорлонгийн хоёр дахь хаалттай хэсгээс хэн нэгэн уйлах сонсогдлоо.
