Гаслант усан дусал

Ангилал: Монголын уран зохиол

Гаслант усан дусал



Зохиолч: Гүүгэлийн Соёлгэрэл

Эрхлэн гаргасан: АРВАЙ БАРХАН ХХК

  • ISBN: 978-99978-1-957-4
  • Хавтас: Зөөлөн
  • Хэвлэгдсэн он: 2017
  • Хуудас: 354
  • Хэмжээ: 205*140мм
  • Жин: 375
  • Үлдэгдэл: Үлдэгдэл байгаа

  • 0.0

  • Үндсэн үнэ: 18,000 ₮
  • Хямдарсан үнэ: 0 ₮
  • Төлөх үнэ: 18,000 ₮

Үнэмшилгүй үйлдлүүдийг уншигчдад итгүүлэн үнэмшүүлэх хийгээд өөр хоорондоо тэс ондоо дүрүүдийг заяа төөргийн нэгэн цэгт учралдуулсанаа ижил хэв шинжээр нь холбож өгсөн нь энэхүү зохиол хийгээд зохиолчийн бусдаас ялгарах онцлог гэлтэй. Угтаа бол зохиолчийн гол зорилго нь итгүүлэн үнэмшүүлэх. Тэгэхээр Г.Соёлгэрэл зорилгоо биелүүлж чаддаг зохиолч юм. Харин та "Гаслант усан дусал"-аас үүнээс ч илүү олон өнцөг, онцлогуудыг олж харах биз ээ. Учир нь, бидний төсөөлж байгаагаас ч илүү олон "нууц" энэхүү туужид агуулагдаж буйг анхны уншигчийн хувиар батлан хэлэх байна.

...Төмөр хаалга чихран дуугарч, харь хэлтэй хуягууд орж ирэн, бороохойгоороо чичлэн зандчихад Халиунаа давхийн бослоо. Нулимсны ором хацар дээгүүр нь зам татуулан халтартуулж, нүднийх нь цагаанд цус хуран, зовхи нь хавджээ. Энгэр задгай цамцных нь дээд талын хоёр товч мултарсан байх бөгөөд түүний цаанаас эгэмнийх нь яс хэрзийж үзэгдэнэ. Эцэж туран, туйлдаж ядарсан тэрээр хөлөө арайхийн зөөн алхахад чанга дуу, хүйтэн харцтай хуяг бүсгүй бороохойн үзүүрээр нуруу руу нь хатгачин, хурдан явахыг шаардана. Тэр ийнхүү явсаар урт, урт ширээ эгнүүлэн тавьсан том танхимд орж ирэв. Танхимын үүдээр ормогц хуяг бүсгүй үүдэнд үлдээд, Халиунаа ганцаараа цааш явсаар эхний ширээн дээрээс төмөр аяг аван, дугаарлан зогсоо бүсгүйчүүдийн эгнээнд нэгдэн зогслоо. Тэрбээр энд ирээд 378 хонож байна. Харийн шоронд хоног тоолон, нулимс дуслуулан үдсэн 378 хоног. Охиноо санаж бэтгэрсэн, цөхөрч ганцаардсан 378 хоног. Энд дахиад хэд хонохоо ч тэр мэдэхгүй...

Сэтгэгдэл бичих
Үнэлгээ өгөх: