Амьдрал олон өнгөтэй
Эрхлэн гаргасан: Сэлэнгэ пресс
- ISBN: 978-99978-1-342-8
- Хавтас: Зөөлөн
- Хэвлэгдсэн он: 2017
- Хуудас: 156
- Хэмжээ: 110х180 мм
- Жин: 130
- Үлдэгдэл: Дууссан
Ногоо цагаагаа цуглуулахаар ХАЙПЕРТ-т ороод тэргэнцэр түрээд жимс ногооны тасаг руу хамгийн түрүүнд очдог нь энэ дэлгүүрт орох надад тогтсон зуршил гэх үү. Шинэ соргог жимс ногоог нүдээрээ хайн, ийш тийш сортос хийн алхаж явтал зүүн талын дээд талын тавиур дээр маш гоёмсог цагаан өнгийн сагсанд ихээ том таван ширхэг өнгийн сагсанд ХӨВ ХӨХ өнгийн АЛИМ байх нь нүдэнд ямар содон тусав аа? Хээээ? ХӨХ АЛИМ байдаг гэж үзэх нь байтугай дуулж ч байгаагүй юм байх чинь? хөх сарнай шиг будаж шунхдаад орсон эд юм болов уу? Эсвэл лангууны чимэг зүүсгэл болгоод гангалсан эд нь юм биш байгаа хэмээн элдвийг бодох зуур гар сунган авах гэсэн боловч нуруу минь намдаад авч чаддаггүй дээ. Уул нь би энд тэнд ороод хүн хар гуйхгүйхэн шиг хүрэх юмандаа хүрчихдэг л хүүхэн юмсан. Яасан айхтар өндөрт заларсан онц чухал эд вэ?
