Алтан сүм
Эрхлэн гаргасан: Соёмбо пресс ХХК
- ISBN: 978-99973-74-30-4
- Хавтас: зөөлөн
- Хэвлэгдсэн он: 2015
- Хуудас: 308
- Хэмжээ:
- Үлдэгдэл: Дууссан
Алтан сүмийн тухай аав минь намайг хар нялхын л ярьдаг байж билээ. Би Майзуру хотоос зүүн хойш далай өөд түрж орсон өнчин буйд хошуун дээр төрсөн хүн. Аав минь өөр нутгийнх, тэднийх Майзуругийн зүүн дүүрэг Сиракуд суудаг байсан. Ятгалгаар сахил санваар хүртэж зэлүүд эргийн буйдхан сүмд насаараа хадагдсан. Тэрээр эндээ л эхнэр авч, би ч гэсэн энд л төрсөн. Нариу хошуунд ядаж сургууль ч байхгүй байсан болохоор би ээжийнхээ өврөөс гарав уу үгүй юу л эцгийн голомтыг орхиж зүүн Майзуруд байдаг авга ахындаа суух болов. Тэнд би гимназид орсон юм. Эцгийн маань суудаг газар жилийн турш нартай байдаг авч арван нэг, арван хоёрдугаар сард тэнгэр бөртийх ч үүлгүй цэлмэг хэр нь өдөртөө хэд хэдэн удаа намрын хүйтэн бороо цутгадаг газар байлаа. Миний туйлын тогтворгүй хуйсгануур ааш зан тэр л газрын араншингаас болсон гэлтэй...
