Төгөлдөр цэнхэр орчлон
- ISBN: 978-99962-55-65-6
- Хавтас: Зөөлөн
- Хэвлэгдсэн он: 2016
- Хуудас: 180
- Хэмжээ:
- Үлдэгдэл: Дууссан
НААДМЫН ХУРД
Тэнгэрийн үүлсийг салхиараа хуйлруулж
Тэнхээт хүлгүүд гараанаасаа эргэлээ
Талын цэцэгсийг тасартал ганхуулсаар
Түмэн туурай тачигнан бөмбөрдлөө
Уулын салхийг исгэрүүлэн хөөмийлж
Уралдааны замдаа хүлгүүд тасарлаа
Уухай өргөх хүүхдүүдийн гийнгоо
Унасан хүлгийн хийморь сэргээлээ
Газрын зоо хотолзуулан гүвэлзүүлэн
Гарьдын гараатай хурдан хүлгүүд
Хараа алсрах газрын тэртээ рүү
Харавсан сум шиг цойлоод одлоо
Наадамчин олны сэтгэлийг бөмбөлзүүлэн
Нарны солонготой тоосоо намируулан
Нуурын шувууд шиг зэллэн зэллэсээр
Нүдний нулимс арчин арчин ирлээ
