Эмзэг
- ISBN: 978-99973-53-21-4
- Хавтас: Зөөлөн
- Хэвлэгдсэн он: 2013
- Хуудас: 103
- Хэмжээ:
- Үлдэгдэл: Дууссан
Хар даашинзтай бүсгүйчүүд тамхины утаа шиг бүдэгхэн
Харь холын амрагийн эрвээхий зангиа хуучинсаг
Харцаа мөрөн дээр минь тохсон хээнцэр маягийн залуус
Хундага харшуулах чимээнээс ялгагдах юмгүй уйтгартай
Хэтийдсэн жаргал шиг хоосон, өнгө нь үгүй үдшээр
Харцнаас өөр хэлгүй, сүүмгэр хүмүүс олширно
Хэн гэдгээ нуучихаад, хэлбэр дүрсээ гайхуулсаар
Хаана гээсэн сэтгэлээ тэд хайж ирсэн юм бол
Мансуурам нил хар шөнөөр хиймэл сормуус дэрвэлзэнэ
Магад хайртай гэдэг үг л мартагдсан юм шиг санагдана
Халуу дүүгсэн уруул минь улаан өнгө шиг тодорсон
Харанхуй тийм үдшээр би тамхины утаа шиг бүдгэрсэн
Хар цагаан кино шиг бүүдгэрхэн тэр үдшийг
Халамцуу тэмдэглэлийнхээ төгсгөлд би
"Амьдрал" гэж бичлээ.
