Бурхад эзгүй хорвоо
- ISBN: 978-99962-1-617-6
- Хавтас: Зөөлөн
- Хэвлэгдсэн он: 2012
- Хуудас: 137
- Хэмжээ:
- Үлдэгдэл: Дууссан
Бурхад одоо эзгүй
Буман гэрлийн жилийн тэртээ
Буцаж ирэхээргүй одчихсон байх
Бууж ирэхээргүй явчихсан байх
Эзэнгүй мал худаг дээр ирэхэд
Эвий минь гээд услаад гаргачихдаг
Элэнц хуланцыг минь эрэхээр
Эрхсийн гүнлүү одсон байх
Хаашаа ч юм бэ явахдаа
Хаалга үүдээ сул орхиод
Хүн ирвэл цайлаг дээ гээд
Хүнс хоол зэхээд орхидог
Өвөг дээдсийг минь олохоор
Өөдөө тэнгэрлүү явчихсан байх
Тийм буянтныг манай энэ
Тив дэлхийгээс олж цөхөөд
Манай ертөнцөөс бүүр цаашаа
Магадгүй бас таны сэтгэл рүү
Гүн алсад одчихсон байх
Тун хол явчихсан байх
Буман жилдээ л лавтай
Буцаж ирэхээргүй явчихсан байх...
