Бодлын эндүүрэл
- ISBN: 978-99962-4-442-1
- Хавтас: зөөлөн
- Хэвлэгдсэн он: 2015
- Хуудас: 165
- Хэмжээ: 203*144мм
- Жин: 230
- Үлдэгдэл: Үлдэгдэлтэй байна
Физикч Макс Планк 1918 онд физикийн салбарт Нобелийн шагнал хүртсэнээс хойш Германы өнцөг булан бүрээс түүнд лекц унших урилга тасардаггүй болжээ. Хаана ч уригдсан өөрийхнөө нээсэн квантын физикийн онолын тухай яг ижил зүйлсийг ярьсаар байв. Гурван сарын турш хорь гаруй удаа ингэж давтахад түүний жолооч хүртэл ярьдаг зүйлийг нь цээжилсэн гэдэг. Нэг өдөр Планк ядрангуй байхыг хараад жолооч нь "Профессор оо, Мюнхенд таны оронд би ярьчих уу? Би нэг нэггүй цээжилчихсэн болохоор чадна гэдэгтээ итгэлтэй байна. Тэгээд ч хүмүүс хэдхэн янзын асуулт л асуудаг тиймээсгайгүй байх. Та хамгийн урд эгнээний суудалд миний малгайг өмсөөд амарч бай" гэжээ. Планкд энэ нь таалагдаж мөн сониуч зан нь хөдөлж түүний саналыг зөвшөөрлөө. Жолооч мэдлэг боловсролтой эрдэмтэн докторуудын өмнө Квантын физикийн талаар удтал ярьлаа. Яриа шувтрах тийшээ хандахад физикийн Профессор хүн нэг асуулт асуув. Үнэндээ өмнө нь ер асууж байгаагүй асуулт байсан тул жолооч түүнд хандан "Хөгжлөөрөө тэргүүлдэг Мюнхен хотод ийм энгийн асуулт асууна гэж ердөө ч санасангүй.Энэ зэргийн асуултад жолооч ч хариулж чадна тиймээс хариуг түүнээс сонсъё" гэв.
