Сайханыг бүтээхүйн нууц
Эрхлэн гаргасан: Соёмбо пресс ХХК
- ISBN: 978-99962-7-529-6
- Хавтас: Зөөлөн
- Хэвлэгдсэн он: 2016
- Хуудас: 250
- Хэмжээ: 205*142мм
- Жин: 235
- Үлдэгдэл: Дууссан
Энэ ном бол "Бүтээхүйн зүй тогтол" хэмээх номын үргэлжлэл буюу хоёрдугаар дэвтэр нь юм. Ноён хутагт Данзанравжаа "Ертөнцийг наана мэдэх нь дэмий юманд дэг ёс хэмээнэ. Цаана мэдэх нь түүний хуулийг дагамуй" хэмээн айлджээ. Урлаг уран зохиол бол ертөнцийг цаана мэдэгчийн үйл учраас тэд ертөнцийн хуулийг дагадаг. Уран зохиол бол урлаг хэмээх ай саванд багтдаг зүйл учраас ай савныхаа зарчимаар л бүтэж бүрэлдэнэ. Түүнээс ангид байна гэж үгүй. Гагцхүү хэрхэн яаж бүтэж бүрэлдсэн нь зарим бүтээл туурвилд ил, заримд нь далд байдаг. Ерөөс урлаг уран зохиол нь сайханыг бүтээхийг зорьдог учраас бүтээл нь ил, бүтээсэн арга ухаан нь далд оршдог.
Энэ ном бол урлаг уран зохиолын сайхан бүтээлийг үзэх, сонсох, унших, дахин дахин үзэх сонсох унших замаар ойлгож ухаарсан, олж мэдсэн, тааж төсөөлсөн өөрийн болоод өрөөлийн ажиглалт анзааргаар бүтсэн ном болно. Мэдээж алив урлагийн бүтээл туурвилын утга санаа өргөн дэлгэр, үгүүлэмж хүүрнэмж нь санаа бодол олныг ургуулдаг учраас юм бүхэн нь энд бичсэнээр байх гэж байхгүй.
Гагцхүү энд бичсэн үгүүлсэнээрээ бүтээлч уншигч таны оюун мэдрэмжийг сэрээж, бодох сэтгэхэд тань дэм болж, бүтээж туурвихад тань урам зориг өгч чадвал энэ номыг бичсэн зорилго биелэх болно.
