Бодлын бор дэвтэр
- ISBN: 978-99973-63-73-2
- Хавтас: Хатуу хавтастай
- Хэвлэгдсэн он: 2015
- Хуудас: 236
- Хэмжээ:
- Үлдэгдэл: Дууссан
Нулимс чинь урсах цагтаа энгэрийг минь чи санадаг байх
Нууцхан гуниглах мөчид үгсээр минь чи дутдаг байх
Нүгэлтэй хорвоод бүдрэхдээ гарыг минь чи үгүйлдэг байх
Нүцгэрч сэтгэлдээ ганцаардахдаа тэврэлтийг минь чи дурсдаг байх аа
Харин...
Жаргал дүүрэн инээмсэглэхдээ чи дурийг минь бодлоосоо арччихдаг
Жавар үргэж наран ээхэд дурлалыг минь салхинд дайваад явуулчихдаг
Дурлал хайрандаа бялуурахаараа дурсамж болгон түгжээд тэнгист живүүлчихдэг
Дуулж хөгжиж наадахаараа дарсныхаа шавхруутай цуг намайг асгачихдаг...
Тийм ээ...
Саарал хорвоод согтуурахаараа дэргэдээсээ чи намайг хайдаг
Санасан юм шиг аашилж хайрын үгс шивнэдэг
Сарны мишээлд цэнгэхдээ үнэрийг минь мартагнаж орхиод
Сархад шиг нялуун амрагтаа эрхлэн нялхарч уусдаг...
Гэхдээ...
Гунигийн нулимсыг чинь арчих алчуур болсондоо харамсдаггүй ээ би
Гутарсан сэтгэлийг чинь баясгагч алиалагч байгаадаа ч харамсдаггүй ээ...
Хэрэгтэй үедээ санаж, хэрэггүй үедээ хаядагт чинь ч гомддоггүй
Хэтэрхий их хайртай болохоор чамаасаа би юу ч нэхдэггүй ээ...
