Бүргэд хүлэглэсэн хаан
- ISBN: 978-99962-54-43-7
- Хавтас: зөөлөн
- Хэвлэгдсэн он: 2012
- Хуудас: 94
- Хэмжээ:
- Үлдэгдэл: Дууссан
Хаа нэгтэй ойн гүнд
Хазгар шулам гал түлнэ
Хавтай баатрыг гэнэдүүлж дарах
Хараал шингэсэн хор буцалгана
Өвсөн дунд нүдэнд өртөмгүй
Өчүүхэн жижиг хүмүүс амьдарна.
Аймшигт савдаг вааранд түгжээстэй
Алсын тэнгисийн давалгаанд хөвнө
Загасан сүүлт лусын охид
Замагт нуурын мандалд дуулна
Аврага халимын бөгтгөр нуруунд
Ажиг сэжиггүй хот босно
Энгийн бидний нүдэнд өртөхгүй
Ийм газрууд цөөнгүй бий
Хангарьд шувуу уулын оройгоос
Хатан Туулын уснаас ундлана
Атгаалжин мангас гамшиг тарьж
Арзгар луу галаар тургина
Үнсгэлжин охин цонхонд торойж
Үлгэрийн баатрын дуулга гялалзана
Бөгтрөгтэй морьхон газар цавчилж
Бүдүүн Карлсон сэнсдэн хөөрнө
Алтан эвэртэй цаа буга
Аниргүй тэнгэрт дүүлэн ниснэ
Өвлийн өвгөн бэлгээ үүрсээр
Өтгөн сахлаа илбэн мишээнэ
Урдахь номын хуудсыг дэлгэхэд
Унших мөрүүдэд тэд амилна...
