Дотно алс
- ISBN: 978-99962-904-3-5
- Хавтас: Зөөлөн
- Хэвлэгдсэн он: 2012
- Хуудас: 64
- Хэмжээ:
- Үлдэгдэл: Дууссан
Яруу найрагч Г.Лхагвадуламын шүлгүүд үнэхээр ухаалаг. Түүний бичлэг дэх илүү дутуу алдаагүй, яг таг байдлаас үүнийг олж харж болно. Тэр их мэдрэмтгий, гүнзгий сэрэлтэй, бас эвлэгхэн. Зүйрлэл, төсөөлөл нь баялаг. Мөн сайтар анхааран уншваас, төрөлхийн нягт нямбай сэтгэдэг, хариуцлагатай, найдвартай араншинг илтгэх чамбай, чигжүү бичлэгээс нь та зүү ороон шаглахдаа ширхэг болгонд нь сэтгэлээ шингээн оёдог цэмцгэр хатгамалчны дүрийг үзэх болно.
Шүлэг гэдэг амьдрал атал
Амьдрал даанч шүлэг биш.
Хайрлаж, хүссэн минь үнэн боловч
Хайр минь бас хүсэл биш.
Дуугүй байгаа минь урвалт биш,
Уучилсан минь амлалт биш.
Дутуу үгс зангирах тусмаа
Уйлуулж орхидгийг чи мэдэх биш.
Нулимсаа үзүүлэхэд минь чи дургүй,
Хэдэрлэхэд чинь би бүр дургүй.
Хэн нь хэнийхээ өмнө буруутай юм бэ?
Хэлээд ч одоо нэмэртэй биш.
