Travel Classic Books 1: Явна аа!
Эрхлэн гаргасан: Нэпко хэвлэлийн газар
- ISBN:
- Хавтас: Зөөлөн
- Хэвлэгдсэн он:
- Хуудас:
- Хэмжээ:
- Үлдэгдэл: Үлдэгдэлтэй байна
"Явна аа!" - энэ бол жингийн цувааны хөтөчийн дуудлага дохио. Бүх тэмээгээ тэгнэн ачиж, морьдоо эмээллэж, монголчууд жижиг туяхан хүлэг мориндоо мордож, жингийн хонхнууд нь Азийн говь цөлүүд хийгээд зах хязгааргүй тал хөндийг хөндлөн гулд ороох аян замын мянга мянган жилийн түүхтэй аялгууг дахин эгшиглүүлж эхлэхэд энэ дуудлага дохио тэнгэрт хаддаг...20-иод оны эхээр даничууд өнөөгийн Хөвсгөл аймгийн Эрдэнэбулган сумын нутаг Булган талд фермерийн аж ахуйг хөгжүүлж, хожим даничууд суурьших эхлэлийг тавих зорилго агуулан зүтгэж байсан сонирхолтой түүхийг энд өгүүлнэ. Уг номонд 77-н түүхэн ховор гэрэл зураг болон аян замын газрын зураг багтсан болно.
Хеннинг Хаслунд хэдийгээр Дани оронд мэндэлсэн боловч зүрх сэтгэлээрээ Монгол хүн байсан юм. Тэрээр 1923 онд Халх Монголд ирж газар тариалангийн ажил эрхэлж байсан хэдий ч боломж гарах бүрийд алс хол аялж судалгаа шинжилгээ хийдэг байв. Монголд байх хугацаандаа тэрээр "Монгол Гүн" гэж алдаршсан Шведийн судлаач Франс Август Ларсонтой танилцсан ба Ларсон түүнийг Свен Хединий Төв Азийн экспедицийн гишүүн болгожээ. Энэ хоёр гайхамшигт судлаачийн хамтаар Хедин 1927 онд Зүүнгарын нутагт очиж, Торгууд түмний аж амьдралтай танилцан бараг гурван жилийг өнгөрүүлсэн юм.
1930 онд тэрээр өөрөө бие даасан экспедиц байгуулан аян замд гарсан боловч цасан нурангид дарагдан хүнд гэмтэл авсан тул мэс засал хийлгэхээр Европ руу буцжээ. Бие нь тэнхэрч эдгэрсний дараа Дани болон Шведийн их сургуулиудад багшилж байгаад дахин аян замд гарч Өвөр Монголын нутагт судалгаа хийж, маш олон ардын дуу, үлгэр домгийг пянзанд бичиж авсан нь эдүгээ Копенгагены Үндэсний Музейн сан хөмрөгт хадгалагдаж байна.
Хэцүү бэрх зам, дайн дажныг үл хайрхан 1947 онд Хаслунд дахин аян замд гарч Афганистанд очсон юм. Тэрээр 1948 онд Кабул хотын ойролцоо насан өөд болжээ.
