Нөхөрт гарсны маргааш
Эрхлэн гаргасан: Соёмбо пресс ХХК
- ISBN: 978-99962-2-576-3
- Хавтас: Зөөлөн
- Хэвлэгдсэн он: 2017
- Хуудас: 126
- Хэмжээ: 190*132мм
- Жин: 147
- Үлдэгдэл: Дууссан
Хаалга нь "хайр" нэртэй, ханын зураг нь "хардалт" нэртэй, аяга нь навчин хэлбэртэй хэрнээ "бороо' нэртэй, авдар нь хээтэй хэрнээ "цулгуй" нэртэй. Өтгөн ойн дундах энэ хачирхалтай байшинд минь өөрийнхөөрөө зочилж, үүднээс нь хойморийг нь хүртэл алхаж үзэхийг хүсвэл дараагийн хуудсыг сөхөөрэй. Төөрөхгүйгээр, ухрахгүйгээр, төсөөллийн жижиг байшинд минь тавтай морилно уу.
Нэгдүгээр бүлэг:
Зовлоо хэмээн бүү уйл, жаргахгүй гэж хэн хэлээв.
Жаргалаа хэмээн бүү ташуур, зовохгүй гэж хэн хэлээв.
Энхрийхэн эртний бүсгүйчүүд шиг томоос том төмөр ваннанд усанд орж, хажуудаа бэлдэж тавьсан цэвэр уснаас үе үе хутган толгой дээрээ асгана. Хөөстэй биеэ илж таалан, тааламжтай гэгч нь удаан угааж, амандаа дуу аялах нь жаргалтай байгааг нь илтгэнэ. Дээрээс доош хөөс хөөн урсах цэвэр ус булбарай бие дээр нь мурилзан, хөхнийх нь товчийг тойрон урсаж, төмөр ванн руу хоржигнон орно. Энхрийлэн гэрт амьдардаг учир долоо хоногт хоёр удаа ийн усанд орно. Тэрээр том шаргал алчуураар биеэ ороож, уснаас гараад жижиг модон сандал дээр хөлөө өлмийгөөр нь ирмэгдүүлэн тавьж шингэн тосоор тослох нь эгээтэй л балетчин эмэгтэй шиг цэмцгэр харагдана. Энэ үед гэрийнх нь хаалгыг хэн нэгэн хүн сандруу гэмээр тогшлоо. Энхрийлэн тэвдэхдээ орон дээрээ байсан урт цамцаа нөмрөн хаалгаа яаран онгойлготол хажуу айлынх нь эгч Цэнгэл байлаа.
