Жаран дэгдээхий
Эрхлэн гаргасан: Болор судар хэвлэлийн газар
- ISBN: 978-99962-1-859-0
- Хавтас: Зөөлөн
- Хэвлэгдсэн он: 2017
- Хуудас: 224
- Хэмжээ: 148*210мм
- Жин: 310
- Үлдэгдэл: Дууссан
Хүүхдийн зохиолч С. Надмидийн “Жаран дэгдээхий” хэмээх түүвэр өгүүллэгийн ном хэвлэгдэн гарлаа. Зохиолч маань энэхүү номоо 1980-аад оны үед анх хэвлүүлж байсан бөгөөд түүний 1970-1980-аад онд бичсэн өгүүллэгийн түүврүүд багтжээ.
“Энэхүү номоо би “Жаран дэгдээхий “ гэж нэрлэлээ. Миний бяцхан дэгдээхийнүүд аугаа их зохиолч, үлгэрийн хаан хэмээх Андерсений “Нугасны муухай дэгдээхий” шиг хотол түмний үр хүүхдийн хараа булаасан үзэсгэлэнт сайхан хунгийн дүрийг олоод хорвоо дахинаар дэвэн дэвэн зорчих хүчирхэг даль жигүүргүй байж болно. Гэлээ ч жаргалтай цагийн маань жаран дэгдээхийгээ хүрэх л гэсэн өндөртөө хүрч, уулзах л ёстой хүүхэд багачуудтайгаа уулзаасай гэж хүснэ. Дэгдээхийнүүд минь нисээд бай” хэмээн номынхоо эхэнд зохиолч С.Надмид бичжээ. Тийм ээ, үнэхээр ч 70,80-аад оны үеийн хүүхдүүдийн амтархан уншиж, тэднийг хүсэл мөрөөдлийн мананд умбуулдаг байсан тэр цагийн жаран дэгдээхий өнөөгийн хүүхэд багачуулд ч өөрийнхөөрөө нисч хүрэх нь бас л сонин байх болов уу.
