Ил талбай хөлөмж дарлагад ногоо ургуулах
- ISBN:
- Хавтас: Зөөлөн
- Хэвлэгдсэн он: 2010
- Хуудас: 323
- Хэмжээ: 200*145мм
- Жин: 360
- Үлдэгдэл: Дууссан
Номыг ногоо тарих бодолтой яваа юм уу эхний оролдлогоо хийгээд амт шимтийг амсаж эхэлсэн залуус, мөн тэрчлэн энэ ажлын талбарт хүчээ сорьж, үр шимийг нь хүртэж буй дунд, ахмад үеийн ногоочиддоо зориулав.
Энд ач холбогдол ихтэй голлох ногоо, 100 гаруй зүйл жимс, жимсгэнэ, багаахан хэрэглэдэг ч айл өрхийн хоолонд зайлшгүй орох амттан, өидний нэг их анзаардаггүй ч хүнсний ач холбогдол ихтэй цөөн хэдэн зүйлийг оруулсан болно.
Үүндээ ногоо, жимс ургуулах талбайн хөрс боловсруулах, бордох, засаж тордох, үрслэг бойжуулах, тарих, суулгах, ургамал арчлах олон талт ажлыг нэлээд дэлгэрэнгүй, хадгалах боловсруулах, үр авах асуудлыг товчлон өгүүлэв. Энд бас хүмүүсийн яриа, хэвлэлийн материал үндэслэн, ногоо, жимсээр зарим өвчин намжаах талаар бага хэмжээний зүйл бэлтгэж хавсаргалаа.
Номыг хөдөлмөрийн баатрууд, улсын аваргууд, монгол ногоочдын ид хавыг үзүүлж чадсан "Алтан үеийнхэн" бас сүүлийн жилүүдэд тогтвортой арвин ургац авч амжилт, ололтоо дуурсгаж буй цөөн хүний практик ололт, туршлагад тулгуурлан бичлээ.
