Ээжүүдэд зориулсан ном 20 хувь хямдарна.
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "ЭЭЖ"-үүддээ зориулан 2020-04-23 өдрөөс 25-ны өдрийг дуустал 20 хувь хямдруулна.
1. Би энгийн амьдралыг сонгосон
Эхээс төрөхдөө гартаа ямар нэг эд хогшил атгаж төрсөн хүн гэж энэ хорвоод байхгүй. Бид бүгд нүцгэн төрсөн. Ингээд бодохоор хэн ч минималист байдлаас амьдралаа эхэлдэг. Харин амьдралын явцад энэ байдал максималист байдалд шилждэг. Учир нь материаллаг зүйлсийн хэсэгхэн зуурын сэтгэл хөдлөлийг аз жаргал гэж ташаарч уул овоо шиг цуглуулж эхэлдэг. Гэвч бид амар тайван байдал, цэвэр цэмцгэр тав тухтай гэрэл дүүрсэн орон зайг сэтгэлдээ хүсэмжилдэг.
2. Дэлхийг өөрчилсөн эмэгтэйчүүд
Хүчирхэг эрчүүдийн ард ихэвчлэн ухаалаг эмэгтэйчүүд байдаг нь нууц биш. Авьяасыг нь хөглөгч тэр бүсгүйчүүд өөрийн суутныхаа араас чимээгүйхэн дагаж, авьяас билгийн дундаршгүй эх булгийг нь тэтгэж өгдөг бол зарим сахиусан тэнгэр нь агуу суутнаасаа илүү тод нэгэн ч байж.. Үнэндээ Гала, Полина Аиардо, Орида Еало, Лиля Брик, Жульетта Мазина, Йоко Оно, Ума Турман зэрэг гайхалтай бүсгүйчүүдгүйгээр алдарт Пушкин, Ривера, Маяковский, Леннон, Тарантино нар “хэн юм бэ” гэж уулга алдаж мэднэ шүү.
Беатричигээс Катрин Денев хүртэл алдартнууды хувь заяаг өөрчилсөн эмэгтэйчүүд.
3. Үзэхийн хязгаар
Яруу найрагч, зохиолч Л.Өлзийтөгсийн намтарчилсан эсээний энэ ном өөрт тохиолсон явдлуудаас ургуулан хувь чанарынхаа төлөвшил, уран зохиолыг хэрхэн ойлгож авснаа уншигчидтай хуваалцсан бүтээл юм. Зохиолч хүний хувьд уран зохиолыг ойлгоно оо гэдэг амьдралыг ухаарахын нэг байдаг.
"Үзэхийн хязгаар" ном бол нэгэн хувь уран бүтээлчийн үзэж ухаарч буй бүхний эхний хязгаар. Үзэх танихуйн тэртээ үзүүр дэх тэнгэр газрын баригдашгүй савслага, тэнгис далайн тэмтрэгдэшгүй хаяа. Энэ л зааг хязгаараас түүний үзэж хүртэхүйн дараагийн хаяа, дараагийн савслага үргэлжилнэ. Амьдрал бол төгсгөлгүй учрах тохиолдлууд, төгсгөлгүй үзэхүй, төгсгөлгүй хязгаар юм. Энэ л төгсгөлгүйг төгс ухаарч танихын төлөөх чармайлт ч өөрөө төгсгөлгүй билээ.
Би үхнэ, чи үхнэ. Цэцэг л үлдэнэ. Ай, дурсамж гэдэг бол Зүрх юм. Дурсамж гэдэг бол Тархи. Нүд бас Цус. Дурсамж бол Цаг Хугацаа. Тэр бол Зовлон. Гэрэл цацраах ялалт. Эргээд харахад дүв дүүрэн цэлэлзэн байдаг Өчигдөр. Бас Ирээдүй ... Надтай л хамт арилж үгүй болох дурсамжийн зузаан ч биш, нимгэн ч биш хуудсуудаа эргүүлж сууна...
4. Хөгжмийн эгшиг
Хувь заяаны эрхээр хайрт бүсгүйнхээ гэр бүлийг даган харийн орныг зорин эх нутгаасаа, элгэн саднаасаа холдон одсон залуу хүү амьдралын эргүүлэг нугачаанд сөхөрч бүдэрсээр, тэмцэн боссоор, эх орноосоо улам бүр холдон холдсоор... Харийн оронд амьдралынхаа дийлэнх хугацааг өнгөрөөсөн ч түүний сэтгэл зүрхэнд Монгол хэмээх нэгэн нэр үүрд мөнхийн хадагдаастай, эх орных нь, элгэн садных нь тухай бодол зүрх сэтгэлд нь мөнхөд уяастай... Насны наран жар хэдийн хэвийсэн хойно түүнд эх нутгийнхаа ариун хөрсөн дээр хөл тавьж, элэг нэгтнүүдтэйгээ учран золгох хувь тохионо. Чухам энэ л үед түүнийг амраг хайрт бүсгүйнх нь уянгалуулан эгшиглүүлдэг байсан тэрхүү “Хөгжмийн эгшиг” угтан золгох хувь ерөөлтэй байжээ...
5. Сонгодог амттан Dessert
Уг номонд, арааны шүлс асгаруулам амтлаг бялуу болон, олон төрлийн нарийн боовыг гэрийн нөхцөлд хэрхэн хийх аргачлалыг танилцуулах бөгөөд бүх явцыг энгийн үгээр зураг хавсруулан тайлбарласан нь сурахад их хялбар болсон гэж үзэж байна.
Тансаг амтыг мэдэрцгээе!
6. Консуэло
Жорж Сандын алдартай бүтээлүүдийн нэг <Консуэло> романд Венецийн Сан Самуэлийн театрын <Алтан гургалдай> хэмээн олноо шагшигдсан авьяаслаг дуучин эмэгтэйн амьдрал, хайр дурлалын талаар өгүүлнэ.
Зохиогч гол баатраа бүхий л дуучдын жишиг, үлгэр дуурайл болгохыг зорьж, бэрхшээл саадыг даван туулсаар зөвхөн урлагийн төлөө өөрийн бие сэтгэлээ зориулж буйгаар энэхүү бүтээлээ төгсгөдөг.
Консуэло нь түүхэн хүн биш бөгөөд зохиогч энэхүү бүтээлдээ арван наймдугаар зууны дунд үеийн Венецийн амьдрал, хатан хаан Мария Терезагийн хаанчлалын үеийн Вена, Пруссийн дарангуйлал, Чехийн ард түмний тэмцлийн тухай түүхэн үйл явдлыг уран сайхны аргаар өгүүлжээ. Уншигчдынхаа хүсэл боломжид нийцүүлэх үүднээс зохилын хоёр бүлгийг нэгтгэн нэг номд багтаасан болно.
