Хүүхдэд зориулсан ном
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "Бяцхан уншигч"-даа зориулан 2020-04-23 өдрөөс 25-ны өдрийг дуустал 20 хувь хямдруулна.
1. Юу? Яагаад? Хэзээ? Ямар учраас? Хүүхдийн дэлгэрэнгүй нэвтэрхий толь
Хүн төрөлхтний гарал үүсэл, дэлхийн бүтэц, ургамлын аймаг, амьтны аймаг тэргүүтнээс авахуулаад чийдэн хэрхэн үүссэн, хэн онгоц, машиныг бүтээсэн, бидний оршин буй галактикийн оршил хөдөлгөөн гэх мэт энэ ертөнцийн үй олон орчилын талаар энэхүү номоос
уншаарай. Багтаагүй сэдэв бараг үгүй энэ номоос хүүхэд багачууд та бүхэн маш олон мэдээллийг нэг дор авах давуу талтай юм.
- Та сониуч хүүхдийнхээ эцэс төгсгөлгүй асуулттай тулгарч байна уу?
- Хүүхдийнхээ хичээлд туслах шаардлага гардаг уу?
- Хүүхдэд тань цогц мэдээлэлтэй ном хэрэгтэй байна уу? Хэрэв тийм бол энэхүү нэвтэрхий толь танд болон таны хүүхдэд туслана.
Хорвоо ертөнцийн талаарх бүхий л мэдээ, баримтыг агуулсан, тайлбар зургуудтай энэ ном дан ганц хүүхэд гэлтгүй томчуудад ч сонирхолтой байх болно.
2. Ухаантай хүүхдийн ухаалаг ном
Сургуулийн бага, дунд ангийнханд зориулсан тэдний оюун ухааны чадавхийг нэмэгдүүлэх “Ухаантай хүүхдийн ухаалаг ном”-ыг “Болор судар” хэвлэлийн газраас эрхлэн гаргалаа.Хүүхдийн оюун ухаан хөгжүүлэх зугаатай бодлогуудаас гадна сургуульд үзэх бүх хичээлтэй холбоотой дасгал бүхий таван бүлэгтэй. Уншигч хүүхдүүд маань энэ сонирхол татам номын хуудас бүрээс шинэ, содон зүйлсийг өөрийн оюун ухаандаа нээхээс гадна оньсого, таавар, логик сэтгэхүй хөгжүүлэх, тунгаан бодох олон бодлого, дасгал дээр анхаарлаа төвлөрүүлэх юм. Түүнчлэн төрөл бүрийн ажил мэргэжлийн тухай болон дэлхийн улс орнуудын талаарх мэдээллийг уншиж, оюун ухаанаа тэлэх боломжтой.
3. Хамтдаа унших түүхүүд II, III
Ном тус бүрдээ сонирхолтой түүхүүдтэй 2-с дээш насныханд зориулав. -Çурагт ном учраас зургийг нь хараад хүүхдэдээ өөрийн үгээр ярьж өгч болно. Çургийн хувьд хүүхдийн нүдэнд ачаалал өгөхгүй хялбар шийдлээр чадварлаг зурсан тул хүүхэд ганцаараа үзсэн ч ойлгоно. -Хатуу хүнд хэллэгтэй үлгэр биш ухаарал хайрлаж, урам сэргээсэн, хүүхэд ойлгоход туслах хялбар түүхүүд учир гэр бүлд чинь халуун дулаан уур амьсгал бэлэглэх болно. -Àвхаалжит цоглог шүлгүүдтэй учир хүүхдэдээ чээжлүүлэхийн сацуу хэл зүгшрүүлэхэд ашиглаж болно.
4. Өнгө дүрс тоо
Дөнгөж хэлд орж буй хүүхдээс авахуулаад хэлд орчихсон үгийн баялгаа нэмж буй бяцхан жаалууддаа зориулав. Өнгө, дүрс, тоо тооллын талаар анхны мэдэгдэхүүн өгөх энэ нрм нь таны хүүхдийн хэл ярианы хөгжлийг дэмжиж, үгийн санг нь баяжуулна. Хүүхэд аливаа зүйлтэй танилцахдаа бодит зургийг нь харвал илүү хялбар тогтоодог байна. Картонан хэвлэлттэй учир хүүхдэд үзэхэд эвтэйхэн, аюул багатай, эдэлгээ сайтай. Мөн хэлд орж буй хүүхэд нэг үгийг олон дахин давтан хэлүүлж байж чээжилдэг учир хүүхдэдээ зургийг нь харуулан төвөгшөөлгүй олон дахин хэлж өгөөрэй.
5. Миний дэлхий цуврал
2-4 насны хүүхдүүдийн сэтгэхүйн онцлогт тохируулан энэхүү номд тэднийг хүрээлэн буй эд зүйлсийг зургийн хамт оруулж өгснөөрөө онцлог юм. Картонон хэвлэлттэй энэ ном нь таны хүүхдийн хорвоо дэлхийтэй танилцах хөтөч болно. Хүүхдэд хамгийн ойр байдаг эд зүйлс, хамгийн түрүүнд хэлж сурдаг үгсийг бодит зургийн хамт багтаасан энэ ном нь таны хүүхдийн хэл ярианы хөгжлийг дэмжиж, үгийн санг нь нэмэгдүүлнэ. Хүүхэд аливаа зүйлтэй танилцахдаа бодит зургийг нь харвал илүү хялбар тогтоодог. Мөн хэлд орж буй хүүхэд нэг үгийг олон дахин давтан хэлүүлж байж чээжилдэг учир хүүхэддээ зургийг нь харуулан төвөгшөөлгүй олон дахин хэлж өгөөрэй.
6. 365 туршилт
Уншигч хүүхдүүд та нар өдөрт нэг сонирхолтой туршилт хийснээр байгалийн үзэгдэл, аливаа юмсын учир шалтгааныг алхам алхмаар олж таних болно.
Тухайлбал, ургамал яаж ургадаг, салхи мөндөр, аянга, тэнгэрийн дуу хэрхэн үүсдэг, басхүү нимбэгийн шүүсээр хэрхэн чийдэн асааж болдгийг туршилтаар мэдэж авах юм. Түүнээс гадна хурууны хээ яаж авах, үзэгддэггүй бэх хэрхэн ашиглах, зайрмаг мөхөөлдөс зэргийг өөрөө яаж хийхийг эдгээр туршилт чамд зааж өгнө
- 365 сонирхолтой туршилт
- Хялбар, гарын доорх материал ашиглана
- Нэмэлт тайлбартай
- 400 гаруй зурагтай
7. Охидын 365 түүх
Гайхамшигт адал явдал, уран дүрслэл, хөгжилтэй түүхүүдээс бүтэх 365 үлгэр, шүлэгтэй цогц бүтээл юм. Лусын дагина, шидэт дагина, үзэсгэлэнт гүнж нартай уулзаж, өвөрмөц түүх, гайхалтай адил явдалтай танилцаарай. Мөн Үнсгэлжинтэй хамт шөнө дунд хүртэл бүжиглэж, шүдний дагина нартай одод гялалзах шөнийн тэнгэрээр дүүлэн нисээрэй. Жилийн өдөр бүрийг сургамжит үлгэр, сайхан түүх, жавхаат шүлэгтэй хамтдаа өнгөрүүлцгээе. Өдөр бүр нэг үлгэрийг хүүхэдтэйгээ хамт уншсанаар гэр бүлд тань халуун дулаан уур амьсгал нэмж, юугаар ч орлуулашгүй нандин дурсамж бүтээхэд туслана.
8. Гриммийн шидэт үлгэрүүд
Хоёр зуу гаруй жилийн өмнө Герман улсад Жэйкоб Гримм , Вильгельм Гримм хэмээх ах дүү хоёр амьдран суудаг байжээ. Тэд хамгийн сайн найзууд төдийгүй хуулийн чиглэлээр хамт суралцаж, номын санчаас эхлээд их сургуулийн профессорууд болтлоо хамт суралцсан юм. Ах дүү хоёр олон зууны туршид өвөө, эмээ аав ээжүүдийн бяцхан үрсдээ ярьж, ам дамжин өвлөгдсөөр ирсэн үлгэр домгуудыг ихэд сонирходог байв. Үлгэр домгийн ихэнх нь ид шидтэй, зарим нь хэрцгий догшин ч гэлээ бүгд л уншсан, сонссон бүхэнд ухаарал хайрладаг билээ. Ах дүү Гриммүүд бараг хоёр зуу гаруй үлгэрийг цаасан дээр буулган, ном болгож хэвлүүлжээ. Тэр цагаас хойш бичиж найруулсан үлгэрүүд нь олон орны хэлээр бичигдэн, мянга мянган уншигчдын унших дуртай ном болсон. Зарим нь бүжгэн жүжиг, тайзны жүжиг, бүр кино болсон нь олон. Энэхүү номонд бяцхан жаалуудын амтархан унших дуртай Мэлхий ханхүү, Нойрсож буй үзэсгэлэнт гүнж, Улаан малгайт, Гуталчин ба шидэт анаахайнууд гэх мэт тавин үлгэрийг багтаасан.
9. Орос ардын баатарлаг үлгэрүүд
Хүүхэд бүхэн үлгэрт гардаг ханхүү, гүнж болох хүсэлтэй явдаг бөгөөд тэр чин хүсэл нь зөвхөн үлгэрт л байдаг. Монголчууд эрт цагаас хүүхдээ үлгэрээр хүмүүжүүлэн, тэднийг эр зоригтой болгодог байжээ. Бид хүүхэд хүсэл мөрөөдлөө биелүүлэх нэг арга нь үлгэр гэж үздэг. Үлгэр хүүхдийн хэл яриа, сэтгэхүйг хөгжүүлж, тэдний хүмүүжилд чухал нөлөө үзүүлдэг гэдгийг эцэг эхчүүд бүгд мэддэг ч хүүхдэдээ үлгэр уншиж, ярьж өгөх нь тун ховор. Үлгэр ярьж уншиж , ярьж өгөх нь тэдний хувьд эцэг эхтэйгээ байх хамгийн дотно мөч бөгөөд хүүхдээсээ элдэв зүйлс шаардахын оронд үлгэрээр дамжуулан хүмүүжүүлэх нь чухал нөлөөтэй ажээ. Тэдгээрээс эцэг эхчүүд та бүхний хүүхэд ахуй цагтаа шимтэж өссөн Орос ардын шилдэг үлгэрүүдээс түүвэрлэн, үлгэрийн утга агуулганд нийцэхүйц зураг дүрслэлтэйгээр та бүхэнд хүргэж байна.
10. Юмс хэрхэн бүтдэг вэ?
Бид амьдралынхаа өдөр тутамд, эргэн тойрондоо үй олон зүйлийг үзэж харж байдаг. Харахад байдаг л энгийн зүйл мэт, хэзээний л ийм байсан юм шиг санагдаж болох хэдий ч энэ бүхний цаад учир нь юу юм бол хэмээн анхаарч сониучирхаж үзвэл сонин гайхам өдий төдий зүйлтэй учрах вий. Энэ хорвоогийн юм бүхэн цаанаа учир шалтгаантай. Алс холын Африкт буй арслан чиний дэргэд буй зурагтаар гарч буй нь ямар учиртай вэ? Нүүдлийн шувуу 1000 бээрийн алсад нисээд уугуул нутгаа олж очдог нь юуных вэ? Хол байгаа хоёр хүн гар утас гээч зүйлийг гартаа барьчихаад нэг нэгтэйгээ торохгүй ярилцдагийн нууц юунд байна вэ? Энэ бүхний учир начир юу болохыг мэдмээр байна уу? Тэгвэл амьдралын алхам тутамд тохиолдох тул харахад энгийн, тийм атлаа цаанаа бидний мэдэхгүй олон учир шалтгааныг агуулсан юмсын нарийн бүхнийг дэлгэрэнгүй тайлбарласан ном та бүхний гарт хүрч байна. Сониуч сэргэлэн багачууд та нарт өдөр тутамд тохиолдох юмсийн нарийн учрыг хамгийн энгийнээр тайлбарласан ном юм.
