4-Р САРЫН ОНЦЛОХ НОМ
#Сонирхолтой_сөхдөг_ном -ын цувралуудыг хүүхдийн онцлох номоор сонгон та бүхэнд хүргэх болсноо баяртайгаар дуулгаж байна.
4-7 насны хүүхдүүдэд зориулсан эдгээр танин мэдэхүйн цувралууд та бидний хүүхдүүдийн алхам тутамдаа асууж шалгаадаг ЯАГААД, ЯМАР УЧРААС, ЯАЖ гэсэн асуултуудад бүрэн дүүрэн хариулт өгөх болно.
Зураг: Дорис Рүбел
Зохиол: Улрике Холцварт-Раетер
Орчуулагч: Б.Энх-Амгалан
Редактор: Н.Цэрэнбат
Одоогоор Болор судар Хэвлэлийн газар 6 төрлийн номыг нь сонгон эрхлэн гаргаад байна. Эдгээр сонгогдсон сэдвүүд нь хүүхэд багачууд гэлтгүй гэр бүлийн гишүүн бүрт мэдлэг олгохын зэрэгцээ хамтдаа номоо унших, тоглох, ярилцах гээд маш олон давуу талыг мэдрүүлэх болно.
*** ГЭР БҮЛИЙН ЭРГЭН ТОЙРОНД ***
Бага наснаасаа гэр бүлийнхэнтэйгээ хамтдаа байдаг хэдий ч хүүхдүүдийн ойлгодоггүй зүйлс, асуудаг асуулт, ялгааг мэдэхгүй байсаар байдаг. Хүүхдүүдийн нийтлэг асуудаг: Гэр бүл гэж юу вэ?, Аавын талын садангуудыг юу гэж нэрлэдэг вэ? гэх мэт асуултад ойлгомжтойгоор хариулсан бяцхан хариултууд багтсан байна. Жишээ нь:
Өнөр өтгөн гэр бүлийг мэдэх үү?
Дөрвөөс илүү хүүхэдтэй айлыг өнөр бүл гэнэ. Мөн эмээ өвөө, эцэг эх, хүүхдүүд гэх мэт олон хүмүүс нэгэн дээвэр доор амьдардаг өнөр өтгөн гэр бүл ч байдаг. . Томчууд гэрийн ажил болон хүүхдүүдийнхээ хүмүүжилд хамтдаа анхаардаг.
*** ГЭРИЙН ТЭЖЭЭВЭР АМЬТАД ***
Гэртээ амьтан тэжээх сонирхолтой, өөрсдийн хайртай амьтнаа тэжээж байгаа, гэр бүлийн гишүүнээ болгосон бяцхан хүүхдүүд минь заавал уншаарай. Муур, нохой хоёр яагаад дайсагнадаг вэ?, Амьтан үржүүлэгч гэж хэн бэ?, Тэжээвэр амьтад юунд хамгаас дуртай вэ? гээд олон олон асуултын хариултыг мэдэх болно. Жишээ нь:
Амьтдад юу юу зааж болох вэ?
Зарим амьтад хүний заасныг сайн сурдаг. Хэрвээ чи тотинд үг зааж өгвөл дуурайн хэлж сурна. Шувууд дундаас тоть хамгийн сайн хэл сурдаг. Бас түүнийг илж, эрхлүүлж биедээ дасгавал гар, мөрөн дээр чинь сууж, торноос гаргасан ч нисэж явахгүй.
*** ҮЛЭГ ГҮРВЭЛ ***
Хүүхэд багачуудын дунд хэзээд сонирхолтой сэдэв байдаг, эртний хамгийн том амьтдын тухай гардаг ҮЛЭГ ГҮРВЭЛ цувралаас маш олон сонирхолтой мэдээллийг унших боломжтой. Хүүхдүүд ээ Үлэг гүрвэл хэдий үед амьдарч байсан бэ?, Хамгийн хүчирхэг махчин үлэг гүрвэл юу вэ? Үлэг гүрвэлүүд яагаад устаж үгүй болсон бэ? гэдэгт энэхүү ном хариулт өгөх болно.
Энэ бол найрсаг өвсөн тэжээлт Диплодок. 27 метр өндөр, 15 метр урь сүүл нь махчидаас биеэ хамгаалах зэвсэг болдог.
*** БИДНИЙ ДЭЛХИЙ ***
Манай дэлхий хэдэн тивтэй вэ?, Нарны аймаг гэж юу вэ?, Дэлхий яаж үүссэн юм бол?
Агаараар нь амьсгалж, хөрсөн дээр нь алхаж, гэр бүлээрээ хамтдаа амьдарч байгаа эх дэлхийнхээ талаар сонирхолтой зүйлсийг мэдэхэд туслахаас гадна бяцхан хүүхдүүдийг нь уриалсан уриалгууд бас багтсан байна. Хүүхдүүд ээ бүгдээрээ эх дэлхийдээ тусалцгаая: Шаардлагагүй үед гэрлээ асаахгүй байгаарай, Ховор ургамлыг ухаж сэндийчиж болохгүй шүү, Хогийг ангилж, цаас, ундааны сав, лаазыг зориулалтын саванд ялгаж хийгээрэй, Амьтдыг хөнөөж устгаж болохгүй шүү :) :) :)
*** САНСАР ОГТОРГУЙ ***
Багачуудын хамгийн сонирхдог сэдвүүдийн нэг болох сансар огторгуйн олон асуултанд хариулдаг цуврал нь маш сонирхолтой бичигдсэнээрээ онцлогтой. Та нар минь мэдэхийг хүсдэг Сансрын нисгэгч гэж хэн бэ?, Пуужин хэрхэн харвадаг вэ?, Нар шөнө хаачдаг вэ? асуултынхаа хариултыг номоосоо уншаарай.
Италийн эрдэмтэн Галилей 400 жилийн өмнө дэлхий нарыг тойрон эргэдэг гэдгийг олж тогтоожээ. Дэлхий нарыг тойрон эргэхдээ тэнхлэгээ бас тойрч эргэдэг. Тэр үед нарлуу харсан хэсэгт гэрэл тусаж өдөр, эсрэг талд нь сүүдэр тусаж шөнө болдог байна.
*** ГЭР АХУЙН ХЭРЭГСЭЛ ***
Бидний амьдарч буй байр, орчин тойрны зүйлс, эд хогшлууд хэрхэн ажилладаг юм болоо гэдгийг сонирхож үзсэн үү? Бяцхан хүүхдүүдээ асуух бүрт хариулж чадахгүй байдаг эцэг эхчүүд ч байдаг шүү дээ. Тэгвэл гэр бүлээрээ мэдлэгээ нэмэх шинэхэн цувралаа уншаарай.
Цоргоны ус хаанаас ирдэг вэ?, Хөргөгч яагаад хүйтэн байдаг вэ?, Угаалгын машин хэрхэн ажилладаг вэ?
Эрт цагт юм угаах амаргүй ажил байжээ. Хүн бүр заавал гараараа угаадаг байсан байна. Одоо цагт бол угаалгын машинаар угааснаар маш их цагийг хэмнэдэг болсон. Гэхдээ дээр үед гараараа угаах, угаалгын машинд угаах хоёр бараг л адилхан байгаа юм.
BOOK.MN
2021.04.01
