Дулаахан бороо
- ISBN: 978-9919-0-5665-0
- Хавтас: Зөөлөн
- Хэвлэгдсэн он: 2025
- Хуудас: 201
- Хэмжээ: 120х170 мм
- Жин: 156
- Үлдэгдэл: Үлдэгдэлтэй байна
“Дулаахан бороо” нэртэй сэтгүүлчийн тэмдэглэлийн номд бичигчийн үзэл бодол бус уншигч таны, хүн таны сэтгэлийн тухай, урам зоригийн тухай, итгэлийн тухай, дулаахан зүйлсийн бичсэн буй. Номын зохиогчоос уншигч танд зориулсан тэмдэглэлийг хүргэж байна. Сайн байна уу? Бороо шивэрсэн дулаахан өглөө байна. Наймдугаар сарын дүнсгэр тэнгэрийн дор шүхэртэй хүмүүс яаран зөрж, шил арчигч нь савласан автомашинууд гэрэл дохио хүлээж гарц шүргэн зогсоно, жолооч нь утсаа ширтэнгээ ногоон гэрэл харуулдах юм. Борооны дусал, юмс үзэгдэл ил харагддаг гялгар шүхрээ бариад тэдний дунд алхаж явна. Шинэ өдөр эхэллээ. Ийм шинэ өдрүүдээс, эргэж өнгөрсөн цаг хугацааны ширхэг бүрээс олж харсан, мэдэрч цуглуулсан, сэтгүүлчийн үзгээр эмхэлж эвлүүлсэн тэмдэглэлүүдээ танд хүргэж байна. Богинохон боловч өдөр өдрөөр, хоромхон боловч цаг цагаар цуглуулсан сайхан дурсамжууд л хүний сэтгэлийн дөл болон дулаацуулж явдаг ажээ. Миний тэмдэглэлүүд зурвас даваад амьдарч, зорилгынхоо төлөө хичээж, хайртай дотнын бүхнээ зөндөө ихээр санаж яваа, үүнийг мэдэрч явсан зарим хүнд арай ойрхон хүрэх байх, магадгүй маргааш чемоданаа чирээд гарахаар зэхэж буй хэн нэгэнд төсөөлөл бас зориг болох болов уу гэж бодож байна. Энэхүү бяцхан номын хуудсыг нээж, бороотой тэмдэглэлүүдтэй бодрол, сэтгэгдлээ хуваалцах гэж буй танд баярлалаа. Уншсаны эцэст таны оюун санаанд сайхан бодол, зүрх сэтгэлд дулаахан мэдрэмж төрвөл тэмдэглэл хөтлөгч би маш баярлах болно. Бороотой өдөр дулаан цамц, зузаан оймс өмсөөд халуун цай оочлох шиг тухтай уншаарай.
