Дундчуудын нийгэм: Умардын хөгжлийн загвар
Эрхлэн гаргасан: Нэпко хэвлэлийн газар
- ISBN: 978-9919-527-33-4
- Хавтас: Зөөлөн
- Хэвлэгдсэн он: 2025
- Хуудас: 4
- Хэмжээ: 125х190 мм
- Жин: 424
- Үлдэгдэл: Үлдэгдэлтэй байна
Монгол Улсаас Шведийн Хаант Улсад суух анхны суурин Элчин сайдаар 2009-2013 онуудад ажиллаж, Данийн Хаант Улс, Норвегийн Хаант Улс, Бүгд Найрамдах Финланд Улсыг тус тус хамааран сууж байсан Онц Бөгөөд Бүрэн Эрхт Элчин, Доктор Б.Энхмандах, охин доктор Э.Энхчимэгийн хамт "Дундчуудын нийгэм: Умардын хөгжлийн загвар" хэмээх бүтээлийг эмхэтгэн хэвлүүлжээ. Энэхүү ном нь Умардын загварын мөн чанар, түүний давуу ба сул талууд, Монголд хэрэгжүүлэх боломжийн талаар олон талаас нь дүн шинжилгээ хийсэн цогц бүтээл юм. Цомог дөрвөн үндсэн хэсэгтэй. Эхний хэсэгт "Нийгмийн хөгжлийн загварын тухай" өгүүлсэн ба дэлхийд оршиж буй хөгжлийн чиглэлүүд дундаас Умардын загварын онцлогийг онцолж, Монголын нөхцөлд хэрхэн дасан зохицох талаар бичжээ. Хоёрдугаар хэсэгт дундаж давхаргын нийгэмд гүйцэтгэх үүргийг онцолж, Монголын нийгмийн бүтэц, дундчуудын бодит байдал, тэдний байр суурийг бэхжүүлэх гарцуудыг санал болгожээ. Гуравдугаар хэсэгт Финландын Ерөнхийлөгч асан, Нобелийн Энх тайвны шагналт Марти Ахтисаарын “Сайхан амьдруулах жор” хэмээх бүтээлийг орчуулан нийтэлсэн нь Умардын төрийн бодлого, иргэн төвтэй системийн амжилтыг илэрхийлдэг. Харин дөрөвдүгээр хэсэгт Данийн парламентын спикер асан Могенс Люккетофтийн “Дани загвар: Европын амжилтын түүх” номыг орчуулж, Скандинавын орнуудын эдийн засаг, нийгмийн тогтолцооны уялдаа, тэгш боломж, иргэдийн хариуцлагын орчинг тайлбарласан байна.
